Tools 1. ዎ ህዝበይ፣ ንሕገይ ጽን በሎ፣ ኣእዛንካ ናብ ቃላት ኣፈይ ኣድንን።

Tools 2. ኣፈይ ብምስላ እኸፍት፣ ናይ ቀደም ምስጢራት እነግር አሎኹ፣

Tools 3. እቲ ዝሰምዕናዮን ዝፈለጥናዮን፣ ኣቦታትናውን ዘዘንተዉልና፣

Tools 4. ካብ ውሉዶም ኣይንሐብኦን፣ ነቲ ዚመጽእ ወለዶስ ምስጋና እግዚኣብሄርን ስልጣኑን እቲ ዝገበሮ ተአምራቱን ደኣ ንነግሮ።

Tools 5-8. እቲ ዚመጽእ ወለዶ፣ እቶም ዚውለዱ ደቂ ኺፈልጥዎ፣ ንሳቶም ከኣ ተንሲኦም ንውሉዶም ምእንቲ ኼዘንትውዎስ፣ ተስፋኦም ናብ ኣምላኽ ኪገብሩ፣ ትእዛዛቱ ኺሕልዉ እምበር፣ ተግባር ኣምላኽ ምእንቲ ኸይርስዑ፣ ከም ኣቦታቶም፣ እቲ ህልኸኛን ዓለወኛን ወለዶ፣ ከምቲ ልቡ ቀጥ ዘይበለ፣ መንፈሱውን ናብ ኣምላኽ ዘይተኣመነ ወለዶ ኸይኮኑስ፣ ኣብ ያእቆብ ምስክር ኣጽንዔ፣ ኣብ እስራኤል ከኣ ሕጊ ኣቘመ፣ እዚውን ንውሉዶም ኬፍልጥዎስ፣ ነቦታትና ኣዘዞም።

Tools 9. ውሉድ ኤፍሬም፣ ተዋጋእትን ወርወርትን፣ ብመዓልቲ ውግእ ንድሕሪት ተመልሱ።

Tools 10. ኪዳን ኣምላኽ ኣይሐለዉን፣ ብሕጉ ምምልላስ ከኣ ኣበዩ፣

Tools 11. ንግብርታቱን ነቲ ዘርአዮም ተአምራቱን ረስዕዎ።

Tools 12. ኣብ ቅድሚ ኣቦታቶም ኣብ ምድሪ ግብጺ፣ ኣብ መሮር ጾዓን፣ ተአምራት ገበረ።

Tools 13. ባሕሪ መቒሉ ኣሕለፎም፣ ንማይ ከም ኵምሪ ኣቘሞ።

Tools 14. መዓልቲ ብደበና፣ ምሉእ ለይቲውን ብብርሃን ሓዊ መርሖም።

Tools 15. ኣብ በረኻ ነኻውሕ ጨደዶ፣ ከም ካብ ዓሚቚ ባሕሪውን ብዙሕ ኣስተዮም።

Tools 16. ዓይኒ ማያት ካብ ከውሒ ኣውጽኤ፣ ንማይ ድማ ከም ውሒዝ ኣውሐዞ።

Tools 17. ግናኸ ኣብ በረኻ ነቲ ልዑል ተሃላሊኾም፣ እናቐጸሉ በደልዎ።

Tools 18. ንትምኒቶም ዚብላዕ እናደለዩ፣ ብልቦም ንኣምላኽ ፈተንዎ።

Tools 19-20. ንሳቶም፣ ኣምላኽሲ ኣብ በረኻ ደዀን መአዲ ኺሰርዕ ይኽእል እዩ፧ እንሆ፣ ማይ ክሳዕ ዚፍልፍል፣ ውሒዝ ክሳዕ ዚውሕዝሲ፣ ንኸውሒ ወቕዖ፣ ግናኸ እንጌራውን ኪህብ፣ ወይስ ንህዝቡ ስጋ ኺምህዝዶ ይከአሎ እዩ፧ ኢሎም ንኣምላኽ ሐመይዎ።

Tools 21-22. ብኣምላኽ ኣይአመኑን፣ ብምድሓኑውን ኣይተወከሉን እዮም እሞ፣ እግዚኣብሄር እዚ ሰሚዑ ተቘጥዔ፣ ኣብ ያእቆብ ሓዊ ነደደ፣ ኣብ እስራኤልውን ቊጥዓ ወጸ።

Tools 23. ግናኸ ንሱስ ኣብ ላዕሊ ንደበና ኣዘዞ፣ መዓጹ ሰማይ ከኣ ከፊተ፣

Tools 24. ምእንቲ ኺበልዑ ድማ ማና አዝነመሎም፣ እኽሊ ሰማይውን ሀቦም።

Tools 25. ሰብ ናይ መላእኽቲ እንጌራ በልዔ፣ ንምሉእ ጽጋብ ዚኸውን ምግቢ ሰደደሎም።

Tools 26. ንፋስ ምብራቕ ኣብ ሰማይ ኣለዓዐለ፣ ብስልጣኑ ድማ ንፋስ ደቡብ ኣምጽኤ።

Tools 27. ስጋ ኣብ ልዕሊኦም ከም ሓመድ፣ ነፈርቲ ኣዕዋፍውን ከም ሑጻ ባሕሪ አዝነመሎም።

Tools 28. ኣብ ማእከል ሰፈሮም፣ ኣብ ዙርያ ድንኳኖም ኣውረደሎም።

Tools 29. በልዑን ኣዝዮም ጸገቡን፣ ትምኒቶምውን ሀቦም።

Tools 30. ትምኒቶም ገና ኸይወድኡ፣ ብልዖምውን ገና ኣብ ኣፎም ከሎ፣

Tools 31. መዓት ኣምላኽ ወረዶም፣ ካብ ስቡሓቶም ከኣ ቀተለ፣ ነጕባዝ እስራኤልውን ኣውደቖም።

Tools 32. ምስናይዚ እዚ ዅሉ መሊሶም በደሉ፣ ብተኣምራቱ ኸኣ ኣይአመኑን።

Tools 33. ስለዚ ንመዓልትታቶም ብኸንቱ፣ ንዓመታቶም ከኣ ብስምባድ ኣሕለፈን።

Tools 34. ኪቐትሎም ከሎ፣ ሽዑ ይደልይዎ ነበሩ፣ ተመሊሶም ከኣ፣ ኣንጊሆም ንኣምላኽ ደለይዎ።

Tools 35. ኣምላኽሲ ኸውሖም፣ እቲ ልዑል ኣምላኽውን ተበጃዊኦም ምዃኑ ዘከሩ።

Tools 36. ብአፎም ኣቃባጠሩሉ፣ ብመልሓሶም ድማ ሐሰዉሉ።

Tools 37. ልቦም ናብኡ ኣይቀንዔን፣ ብኺዳኑውን እሙናት ኣይነበሩን።

Tools 38. ንሱ ግና መሓሪ ዀይኑ፣ ኣበሳኦም ይቕረ በለሎም፣ ኣየጥፍኦምን ከኣ፣ ንዅራኡ ብዙሕ ጊዜ መለሶ፣ ንዅሉ ቚጥዓኡ ድማ ኣይደርጐሖን።

Tools 39. ስጋ ምዃኖም፣ ሐሊፉስ ዘይትምለስ ትንፋስ ምዃኖም ዘከረ።

Tools 40. ክንደይ ሳዕ እዮም ኣብ በረኻ እተጻረርዎ፣ ኣብ ጽምዋውን ዘጕሀይዎ።

Tools 41. ተመሊሶም ንኣምላኽ ፈተንዎ፣ ነቲ ናይ እስራኤል ቅዱስ ድማ ኣቘጥዕዎ።

Tools 42-43. ንኢዱን ነታ ኻብ ተጻራሪ እተበጀዎም መዓልትን፣ ትእምርቱ ኣብ ግብጺ፣ ተአምራቱ ኸኣ ኣብ መሮር ጾዓን ከም ዝገበረ፣ ኣይዘከሩን።

Tools 44. ምስታይ ምእንቲ ኺስእንዎስ፣ ንርባታቶምን ንፈሳሲ ማዮምን ናብ ደም ለወጦ።

Tools 45. ዚበልዕዎም ተናኸስቲ ጽንጽያን፣ ዜጥፍእኦም ቊርዖባትን ሰደደሎም።

Tools 46. ብቋልያኦም ንቓቔጣ፣ ፍረ ዕዮኦም ከኣ ነንበጣ ሀቦ።

Tools 47. ንወይኖም ብበረድ፣ ንዳዕሮኦም ከኣ በስሓይታ ኣጥፍኦ።

Tools 48. ከብቶም ንበረድ፣ መጓሲኦም ከኣ ንመባርቕ ኣሕሊፉ ሃበን።

Tools 49. ሓዊ ዅራኡ፣ ቊጥዓን ሓርቖትን ጸበባን፣ ጭፍራ መላእኽቲ እከይ፣ ኣውደቐሎም።

Tools 50. ንዅራኡ መገዲ ጸረገሉ፣ ህይወቶም ንፌራ ኣሕሊፉ ሀበ እምበር፣ ንነፍሶም ካብ ሞት ኣይነሐፋን።

Tools 51. ንብዘሎ በዅሪ ግብጺ ኸኣ፣ ነቶም በዅሪ ሓይሊ፣ ኣብ ድንኳናት ካም ወቕዖም።

Tools 52. ንህዝቡ ግና ከም ኣባጊዕ ኣንቀሎም፣ ኣብ በረኻውን ከም መጓሰ መርሖም።

Tools 53. ከይፈርሁስ ብደሓን መርሖም፣ ንጸላእቶም ግና ባሕሪ ደፊኖም።

Tools 54. ናብ ወሰን መቕደሱ፣ ናብታ የማነይቲ ኢዱ ዘጥረየቶ ኸረን ኣብጽሖም።

Tools 55. ነህዛብ ከኣ ካብ ቅድሚኦም ሰጐጎም፣ ርስቲ ኪዀኖም ብዕጻ ኸፈሎም፣ ንነገዳት እስራኤል ኣብ ድንኳናቶም ኣሕደሮም።

Tools 56. ግናኸ ነቲ ልዑል ኣምላኽ ፈተንዎን ተጻረርዎን፣ ምስክራቱውን ኣይሐለዉን።

Tools 57. ንድሕሪት ተመልሱ፣ ከም ኣቦታቶምውን ጠለሙ፣ ከም ጠላሚ ቐስቲ ተለውዩ።

Tools 58. ብዀረቢቶም ከኣ አዀረይዎ፣ ብተወቕረ ምስልታቶምውን ኣቕንእዎ።

Tools 59. ኣምላኽ ድማ ነዚ ሰሚዑ ተቘጥዔ፣ ንእስራኤልውን ኣዝዩ ነዐቖም።

Tools 60. ንማሕደሩ ኣብ ሲሎ፣ ነቲ ኣብ ማእከል ሰብ ተኺልዎ ዝነበረ ድንኳን ሐደጎ።

Tools 61. ሓይሉ ንምርኮ፣ ክብሩውን ናብ ኢድ ተጻራሪ ሀበ።

Tools 62. ንህዝቡ ድማ ኣደዳ ሰይፊ ገበሮ፣ ንርስቱውን ተቘጥዖ።

Tools 63. ነጕባዞም ሓዊ በልዖም፣ ደናግሎም ከኣ ጓይላ መርዓ ኣይረኸባን።

Tools 64. ካህናቶም ብሰይፊ ወደቑ፣ መበለታቶምውን ኣይበኸያሎምን።

Tools 65. ሽዑ እግዚኣብሄር ከም ደቂሱ ዝነበረ፣ ከምቲ ብወይኒ ሰኺሩ ዚጭድር ጅግና ዀይኑ ተንስኤ።

Tools 66. ንጸላእቱ ድማ ኣብ ድሕሪኦም ወቕዖም፣ ንዘለአለማዊ ነውሪ ሀቦም።

Tools 67. ንድንኳን ዮሴፍ ደርበያ፣ ንነገድ ኤፍሬምውን ኣይሐረዮን፣

Tools 68. ንነገድ ይሁዳ፣ ነታ ዘፍቀራ ኸረን ጽዮን ግና ሐረያ።

Tools 69. ንቤት መቕደሱ ኸም ኵርባታት፣ ከምታ ንዘለአለም ዝሰረታ ምድሪ ገይሩ፣ ሀነጻ።

Tools 70. ንዳዊት ባርያኡ ሐርዩ፣ ካብ መጓሴታት ኣባጊዕ ወሰዶ።

Tools 71. ንህዝቡ ያእቆብን ንርስቱ እስራኤልን ምእንቲ ኺሕሉስ፣ ካብ ሓራሳት ኣባጊዕ ኣምጽኦ።

Tools 72. ብቕንዕና ልቡ ጓሰዮም፣ በእምሮ ኣእዳዉውን መርሖም።