Tools 1. ኣምላኽ እቲ ቐደም ብዘመናቶም ዝገበርካዮ ግብርስ ኣቦታትና አዘንትዮምልና፣ በእዛንና ሰሚዕናዮ።

Tools 2-3. ብሂግካዮም ነበርካ እሞ፣ ብየማናይ ኢድካን ቅልጽምካን ብብርሃን ገጽካን እዮም እምበር፣ ብሰይፎምሲ ነታ ሃገር ኣይወረስዋን፣ ብቕልጽሞምውን ኣይደሐኑን እሞ፣ ነህዛብ ብኢድካ ሰጒግካ ንኣታቶም ተኸልካ ንህዝብታት ኣጥፊእካ፣ ንኣታቶም ኣግፋሕካ።

Tools 4. ዎ ኣምላኽ፣ ንስኻ ንጉሰይ ኢኻ፣ ምድሓን ያእቆብ ኣዝዝ።

Tools 5-6. ብቐስተይ ኣይኰንኩን ዝውከል፣ ሰይፈይውን ኣይኬድሕነንን እዩ እሞ፣ ንተጻረርትና ብኣኻ ኢና እነውድቖም፣ ንተቓወምትናውን ብስምካ ኢና እንረግጾም።

Tools 7. ካብ ተጻረርትና ዘድሐንካና፣ ንጸላእትናውን ዘሕፈርካዮምሲ ንስኻ ኢኻ።

Tools 8. ኵሉ መዓልቲ ብኣምላኽ ንሕበን፣ ስምካውን ንዘለአለም ነመስግን። [ሴላ።]

Tools 9. ሕጂ ግና ደርቢኻና ኣሕፊርካናውን፣ ምስ ሰራዊትና ድማ ኣይትወጽእን አሎኻ።

Tools 10. ካብ ተጻራሪ ኣምለስካና፣ ጸላእትናውን ዘመቱና።

Tools 11. ከም ኣባጊዕ ክንብላዕ ኣሕሊፍካ ሀብካና፣ ኣብ ኣህዛብውን ፋሕ ኣበልካና፣

Tools 12. ንህዝብኻ ብኸምኡ ሸጥካ፣ ብዋጋኡ ኣይረባሕካን።

Tools 13. ንጐረባብትና መጻረፊ፣ ኣብ ዙርያና ንዚነብሩ ኸኣ መባለቲኦምን መላገጺኦምን ገበርካና።

Tools 14. ኣብ ማእከል ኣህዛብ መመሰሊ፣ ኣብ ማእከል ህዝብታት ርእሶም መነቕነቒ ገበርካና።

Tools 15-16. ሓሳረይ ምሉእ መዓልቲ ኣብ ቅድመይ እዩ፣ ብሰሪ ድምጺ እቲ ጸራፍን ሐማይን፣ ብሰሪ ጻላእን ፈዳይ ሕነን ሕፍረት ገጸይ ሸፊኑኒ አሎ።

Tools 17. እዚ ዅሉ በጽሓና፣ ግናኸ ኣይረሳዕናካን፣ ኪዳንካውን ኣይጠለምናን።

Tools 18-19. ኣብ ቦታ ገበላት ቀጥቂጥካና፣ ብጽላሎት ሞትውን ኣጐልቢብካና ኽነስኻስ፣ ልብና ንድሕሪት ኣይተመልሰን፣ ስጕምትናውን ካብ መገድኻ ኣየግለሰን።

Tools 20. ስም ኣምላኽና ረሲዕና፣ ኣእዳውና ናብ ጓና ኣምላኽ ዘርጊሕና እንተ ንኸውንሲ፣

Tools 21. ኣምላኽ ንምስጢራት ልቢ ይፈልጥ እዩ እሞ፣ ነዚዶ ኣይምመርመሮን ነይሩ፧

Tools 22. ምእንታኻ ምሉእ መዓልቲ ንቕተል አሎና፣ ከም ኣባጊዕ ማሕረዲውን ተቘጸርና።

Tools 23. ጐይታየ፣ ተበራበር እባ፣ ንምንታይከ ትድቅስ፧ ኤረ ንቓሕ፣ ንሓዋሩ ኣይትደርብየና።

Tools 24. ንምንታይከ ገጽካ እትኽውል፧ መከራናን ጸበባናን እትርስዕ፧

Tools 25. ነፍስና ናብ ሓመድ ደኒና፣ ስጋና ኣብ ምድሪ ጠቢቑ እዩ እሞ፣

Tools 26. ንረዲኤትና ተንስእ፣ ምእንቲ ሳህልኻውን ኣድሕነና።