Tools 1. ድሕርዚ ናብ መገዲ እታ ናብ ምብራቕ እትርኢ መጻኢት ደገ መቕደስ መለሰኒ፣ ዕጽውቲ ኸኣ እያ።

Tools 2. እግዚኣብሄር ድማ በለኒ፣ እዛ ደገ እዚኣ ዕጽውቲ ትኹን፣ ኣይትከፈት፣ ሰብውን ኣይእተዋ። እግዚኣብሄር ኣምላኽ እስራኤል አትዩላ እዩ እሞ፣ ስለዚ ብዕጽውታ ትንበር።

Tools 3. እቲ መስፍንሲ፣ መስፍን ስለ ዝዀነ፣ ኣብ ቅድሚ እግዚኣብሄር እንጌራ ኪበልዕ፣ ኣብኡ ኪቕመጥ እዩ። ንሱ ብመገዲ ገበላ እታ ደገ ኺኣቱ፣ ብእእ ኣቢሉውን ኪወጽእ እዩ።

Tools 4. ድሕርዚ ድማ ብመገዲ እታ ደገ ሰሜን ኣቢሉ፣ ናብ ቅድሚ እታ ቤት ኣምጽኣኒ። ጠመትኩ፣ እንሆ ኸኣ፣ ክብሪ እግዚኣብሄር ነታ ቤት እግዚኣብሄር መሊእዋ ነበረ። ኣነውን ብገጸይ ፍግም ኢለ ወደቕኩ።

Tools 5. እግዚኣብሄር ድማ በለኒ፣ ኣታ ወዲ ሰብ፣ ነዚ ኣነ ብዛዕባ ኵሉ ስርዓት ቤት እግዚኣብሄር ኵሉ ሕጋጋታን ዝነግረካ ዘሎኹ፣ ልብኻ ኣውደቐሉ፣ በዒንትካ ተመልከቶ፣ በእዛንካ ስምዓዮ። ንመእተዊ እታ ቤትን ንዅሉ መውጽኢ እታ ቤት መቕደስን ኣጸቡቕካ ኣስተብህለሉ።

Tools 6. ነዞም ዓለውቲ ቤት እስራኤል፣ እግዚኣብሄር ኣምላኽ ከምዚ ይብል አሎ፣ በሎም፣ ኣቱም ቤት እስራኤል፣ ርኽሰትኩም ዘበለ ዅሉ ይእከልኩም።

Tools 7. እንጌራይን ስብሕን ደምን ከተቕርቡ ኸሎኽኹ፣ ንቤተይ ኬርክስዋስ ነቶም ልቦም ዘይተገዝረ፣ ስጋኦምውን ዘየተግዝረ ጓኖት ናብ መቕደሰይ ኣእቲኩምዋም ኢኹም እሞ፣ ንሳቶም ኣብ ልዕሊ ዅሉ ጽያፍኩም ኪዳነይ ኣፍረሱ።

Tools 8. ኣብታ መቕደሰይ ንእኦም ኣብ ክንዳኹም ንኣገልግሎተይ መዘዝኩምዎም እምበር፣ ነቲ ቅዱስ ነገረይ ባዕልኻትኩም ኣየገልገልኩምዎምን።

Tools 9. እግዚኣብሄር ኣምላኽ ከምዚ ይብል አሎ፣ ካብቶም ኣብ ማእከል ደቂ እስራኤል ዘለዉ ጓኖት፣ ልቡ ዘይተገዝረ፣ ስጋኡውን ዘይተገዝረ ሓደ ወዲ ጓና እኳ ናብ መቕደሰይ ኣይእቶ።

Tools 10. እቶም ብስሕተት እስራኤል ካባይ ዝረሐቑ፣ ንጣኦታቶም ኪስዕቡስ ካባይ ዝረሐቑ ሌዋውያን፣ ግና ኣበሳኦም ኪጾሩ እዮም።

Tools 11. ኣብ ደጌታት እታ ቤት ከኣ ሓለውቲ ኪዀኑ፣ ኣብታ ቤት ኬገልግሉስ፣ ኣብ መቕደሰይ ኣገልገልቲ ኪዀኑ እዮም። ንሳቶም ንመስዋእቲ ምሕራርን ንመስዋእቲ እቲ ህዝብን ኪሐርዱ፣ ምእንቲ ኼገልግልዎም ከኣ ኣብ ቅድሚኦም ኪቘሙ እዮም።

Tools 12. ኣብ ቅድሚ ጣኦታቶም ኣገልጊሎምዎም፣ ንቤት እስራኤል ከኣ ናብ ኣበሳ ኣዐንቂፎምዎም እዮም እሞ፣ ስለዚ ንሳቶም ኣበሳኦም ኪጾሩ እዮም ኢለ ኢደይ ኣሎአልኩሎም፣ ይብል እግዚኣብሄር ኣምላኽ።

Tools 13. ንሳቶም ድማ ነውሮምን ነቲ ዝገበርዎ ጽያፎምን ድኣ ኺጾሩ እዮም እምበር፣ ብመዓርግ ክህነት ኬገልግሉኒ፣ ኣብቲ እተቐደሰ ነገረይ ኣብቲ ኣዝዩ ቅዱስ ነገር ኪቐርቡስ ናባይ ኣይኪቀርቡን እዮም።

Tools 14. ንዅሉ ዕዮኣን ነቲ ኣብኣ ዚግበር ዘበለ ኵሉን ሓለውቲ እታ ቤት ኪዀኑ ኽምዝዞም እየ።

Tools 15. እቶም፣ ደቂ እስራኤል ካባይ ኪርሕቁ ኸለዉ፣ ንምሕላው መቕደሰይ እተጸምዱ ኻብ ወገን ሌዋውያን ዝዀኑ ኻህናት ደቂ ጻዶቅ፣ ኬገልግሉኒ ኢሎም ኪቐርቡኒ፣ ስብሕን ደምን ኪስውኡለይ ኣብ ቅድመይ ዚቘሙ እዚኣቶም እዮም፣ ይብል እግዚኣብሄር ኣምላኽ።

Tools 16. ንሳቶም ናብ መቕደሰይ ኪኣትዉ፣ ኬገልግሉንስ ናብ መኣደይ ኪቐርቡ፣ ንኣገልግሎተይውን ኪምዘዙ እዮም።

Tools 17. ብደጌታት እታ ውሽጣዊት ኣጸድ ኪኣትዉ ኸለዉ፣ ካብ ልሕጺ እንጣጢዕ እተገብረ ኣልባሳት ኪለብሱ እዮም። ኣብ ደጌታት እታ ውሽታዊት ኣጸድን ኣብ ውሽጥን ኬገልግሉ ኸለዉ ገለ ናይ ጸጕሪ ኣይኪኽደኑን እዮም።

Tools 18. ኣብ ኣራእሶም ናይ ልህጺ እንጣጢዕ ሻሽ ኪጥምጥሙ፣ ኣብ ሕቝኦምውን ናይ ልሕጺ እንጣጢዕ ስረ ኺዕጠቑ፣ ዜርህጽ ነገር ኣይኪዕጠቑን እዮም።

Tools 19. ናብ ወጻኢ ኣጸድ፣ ናብቲ ኣብ ወጻኢ ኣጸድ ዘሎ ህዝቢ ኺወጹ ኸለዉ፣ ብኣልባሳቶም ነቲ ህዝቢ ከይቅድስዎስ፣ እቲ ዘገልገሉሉ ኣልባሳት ኬውጽእዎ፣ ኣብ ቅዱስ ክፍልታት ቤት ከኣ ኬንብርዎ፣ ካልእ ክዳውንቲውን ኪኽደኑ እዮም።

Tools 20. ነቲ ጸጕሪ ርእሶምሲ በብሓጺሩ ደኣ ኪቘርጽዎ እዮም እምበር፣ ርእሶም ኣይኪላጽዩን፣ ጸጕሮም ድማ ኣይኬነሑን እዮም።

Tools 21. ካህን ዘበለ ዅሉ ናብቲ ውሽጢ ኣጸድ ኪእቱ ከሎ፣ ወይኒ ኣይኪሰትን እዩ።

Tools 22. ካብ ዘርኢ ቤት እስራኤል ዝዀነት ድንግል ወይስ ሰበይቲ ኻህን ዝነበረት መበለት ደኣ ኼእትዉ እዮም እምበር፣ መበለት ወይስ ፍትሕቲ ኣይኬእትዉን እዮም።

Tools 23. ንሳቶም ንህዝበይ ነቲ ኣብ መንጎ ቅዱሳን ዘይቅዱስን ዘሎ ምፍላይ ኪምህርዎ፣ ነቲ ኣብ መንጎ ርኹስን ንጹህን ዘሎ ምልላይ ከኣ ኬፍልጥዎ እዮም።

Tools 24. ኣብ ምጕት ፈራዶ ዀይኖም ኪቘሙ፣ ከምቲ ፍርደይ ገይሮም ከኣ ኪፈርዱ እዮም። ብዅሉ በዓላት ዓመተይ ንሕጋጋተይን ንስርዓተይን ኪሕልዉ፣ ሰናብተይ ኪቕድሱ እዮም።

Tools 25. ከይረኽሱስ፣ ናብ ምዉት ሰብ ኣይቕረቡ። በቦን ኣደን፣ ብወድን ጓልን፣ ብሓውን ብዘይተኣትወት ሓብትን ጥራይ ይርከሱ።

Tools 26. ድሕሪ ምንጻሁ ድማ ሾብዓተ መዓልቲ ይቝጸሩሉ።

Tools 27. በታ ኣብታ ውሽጣዊት ኣጸድ ኣብ መቕደስ ኬግልግል፣ ኣብ መቕደስ ዚኣትወላ መዓልቲ ኸኣ፣ መስዋእቲ ሓጢኣቱ የቕርብ፣ ይብል እግዚኣብሄር ኣምላኽ።

Tools 28. ርስቲ ይኹኖም፣ ኣነ እየ ርስቶም። ኣብ እስራኤል ግደ ኣይትሀብዎም፣ ግዲኦምሲ ኣነ እየ።

Tools 29. ንሳቶም ነቲ መስዋእቲ ብልዕን ነቲ መስዋእቲ ሓጢኣትን መስዋእቲ ዕዳን ይብልዕዎ። እስራኤል ዝሐረምዎ ዘበለውን ንኣታቶም ይኹን።

Tools 30. በዅሪ ዅሉ ፍርያትኩምን፣ ኵሉ መባእኩም፣ ዝዀነ ይኹን መባእ ዘበለን ንኻህናት ይኹን። ንቤትኩም በረኸት ምእንቲ ኺሐድራስ፣ በዅሪ ሓሪጭኩም ንኻህን ሀቡ።

Tools 31. እቶም ካህናት ካብ ኣዕዋፍ ወይስ ካብ ከብቲ ዝሐለቐን እተሰብረን ኣይብልዑ።