Tools 1. ኣታ ወዲ ሰብ፣ ንጎግ ተነበየሉ፣ እግዚኣብሄር ኣምላኽ ከምዚ ይብል አሎ፣ ኢልካውን ንገሮ፣ ኣታ ጎግ መስፍን ሮሽን ሜሴክን ቱባልን፣ እኔኹ፣ ከረኻኽበልካ እየ።

Tools 2. መሪሔን ደሪኸን ካብ ወሰን ሰሜን ከውጽኣካ፣ ናብ ኣኽራን እስራኤል ከኣ ከእትወካ እየ።

Tools 3. ንቐስትኻ ካብታ ጸጋመይቲ ኢድካ ኽድርብዮ፣ ንፍላጻታትካ ኸኣ ካብታ የማነይቲ ኢድካ ኸውድቖ እየ።

Tools 4. ንስኻ ምስ ኵሉ ጭፍራኻን ምስቲ ምሳኻ ዘሎ ህዝብን ኣብ ኣኽራን እስራኤል ከትወድቅ ኢኻ። ኪበልዑኻውን ንጋባትን ንበብዓይነቶም ዚዀኑ ኣዕዋፍን ንኣራዊት ግዳምን ክውፍየካ እየ።

Tools 5. ኣነ ተዛሪበ እየ እሞ፣ ኣብ መሮር ክትወድቕ ኢኻ፣ ይብል እግዚኣብሄር ኣምላኽ።

Tools 6. ኣብ ማጎግን ናብቶም ኣብ ደሴታት ሀዲኦም ዚነብሩ ዘለውን ሓዊ ኽሰድድ እየ፣ ኣነ እግዚኣብሄር ምዃነይ ከኣ ኪፈልጡ እዮም።

Tools 7. እቲ ቅዱስ ስመይ ኣብ ማእከል ህዝበይ እስራኤል ከፍልጦ ኣየ። ድሕርዚ ድማ እቲ ቅዱስ ስመይ ኣይከርክሶን እየ። እቶም ህዝብታት ከኣ ኣነ እግዚኣብሄር እቲ ኣብ እስራኤል ቅዱስ ምዃነይ ኪፈልጡ እዮም።

Tools 8. እንሆ፣ ይመጽእ ኪኸውን ድማ እዩ። እታ ብዛዕባኣ እተዛረብኩላ መዓልቲ እዚኣ እያ፣ ይብል እግዚኣብሄር ኣምላኽ።

Tools 9. እቶም ኣብ ከተማታት እስራኤል ዚነብሩ ዘለዉ ድማ እዮም እሞ፣ ኣጽዋርን ዋላቱን ገለባትን ቀስትታትን ፍላጻታትን ኣጕማድን ኲናውትን ሓዊ ኣጒዶም ኬንድድዎ እዮም። ሾብዓተ ዓመትውን ብእኡ ሓዊ ኼንድዱ እዮም።

Tools 10. በቲ ኣጽዋር ገይሮም ሓዊ ኺአጕዱ እዮም እሞ፣ ካብ መሮር ዕጨይቲ ኣይከእትዉን፣ ካብ ዱር ከኣ ኣይኪቘርጹን እዮም። ነቶም ዝገፈፍዎም ኪገፍዎም፣ ነቶም ዝዘመትዎም ከኣ ኪዘምትዎም እዮም፣ ይብል እግዚኣብሄር ኣምላኽ።

Tools 11. በታ መዓልቲ እቲኣ ንጎግ ኣብ እስራኤል ብወገን ምብራቕ ባሕሪ ዘሎ፣ ለሰ ሓለፍቲ መገዲ ዚበሀል መቓብር ክህቦ እየ። ነቶም ብእኡ ዚሐልፉ ኸኣ መገዶም ኪዐጽወሎም እዩ። ኣብኡውን ንጎግን ንዅሉ እቲ ብዙሕ ሰቡን ኪቐብርዎም እዮም። ለሰ ሃሞና-ጎግ ድማ ኪበሀል እዩ።

Tools 12. ቤት እስራኤል ከኣ፣ ነታ ሃገር ምእንቲ ኼጽርዩስ፣ ብሾብዓተ ወርሒ ኪቐብርዎም እዮም።

Tools 13. ኵሉ ህዝቢ እታ ሃገር ኪቐብሮም እዩ። እዚውን በታ ኣነ ዚኸብረላ መዓልቲ ንስም ኪዀኖም እዩ፣ ይብል እግዚኣብሄር ኣምላኽ።

Tools 14. ምእንቲ ኼጽርዮስ፣ ነቶም ኣብ ልዕሊ ምድሪ ወዲቖም ዚጸንሑ ኪቐብሩ፣ ምስቶም ቀባሮ ኸይኖም ነታ ሃገር ከየቛረጹ ዚዞርዋ ሰብኡት ኬመቕርሑ እዮም። ድሕሪ ሾብዓተ ወርሒ ሃለው ኪብሉ እዮም።

Tools 15. እቶም እናዞሩ ብታ ሃገር ዚሐልፉ፣ ሓደ ኻብኦም ዓጽሚ ሰብ እንተ ረአየ፣ እቶም ቀባሮ ኣብ ለሰ ሃሞና-ጎግ ክሳዕ ዚቐብሮም፣ መሓበርታ ኺገብረሉ እዩ።

Tools 16. ስም እታ ኸተማ ኸኣ ሃሞና ኺበሀል እዩ። በዚ ኸምዚ ነታ ሃገር ኬጽርይዋ እዮም።

Tools 17. ኣታ ወዲ ሰብ፣ ንዅለን ነፈርቲ ኣዕዋፍን ንዅሎም ኣራዊት መሮርን፣ እግዚኣብሄር ኣምላኽ ከምዚ ይብል አሎ፣ ኢልካ ንገሮም፣ ተኣኻኺብኩም ንዑ። ስጋ ኽትበልዑ ደም ከኣ ክትሰትዩስ፣ ናብቲ ኣነ ዝሐረድኩልኩም መስዋእቲ፣ ናብቲ ዓብዪ መስዋእቲ ኣኽራን እስራኤል ካብ ኵሉ ወገን ተኣካኸቡ።

Tools 18. ስጋ እቶም ጀጋኑ ኽትበልዑ፣ ደም እቶም ከኣፍንቲ ምድሪ ኽትሰዩ ኢኹም። ናብ መኻክትን ገናሽልን ድቤላታትን ኣብዑርን እዩ፣ ኵላቶም ኣብ ባሳን ዝሰብሑ እዮም።

Tools 19. ካብቲ ኣነ ዝሐረድኩልኩም መዋእቲ ሕሩድ ክሳዕ እትጸግቡ እቲ ስቡሕ ክትበልዑ፣ ክሳዕ እትሰኽሩ ድማ ደም ክትሰትዩ ኢኹም።

Tools 20. ኣብ መኣደይ ብፍራስን ብፈረሰኛታትን ብጀጋኑን ብዅሎም እቶም ተዋጋእትን ክትጸግቡ ኢኹም፣ ይብል እግዚኣብሄር ኣምላኽ።

Tools 21. ኣነ ኸኣ ግርማይ ኣብ ማእከል ህዝብታት ክገልጽ እየ። ኵሎም ህዝብታት ድማ ነቲ ዝፈጸምክዎ ፍርደይን ነታ ኣብ ልዕሊኦም ዘንበርክዎ ኢደይን ኪርእዩ እዮም።

Tools 22. ካብታ መዓልቲ እቲኣ ንንየው ቤት እስራኤል ኣነ እግዚኣብሄር ኣምላኽ ምዃነይ ኪፈልጡ እዮም።

Tools 23. እቶም ህዝብታት ከኣ፣ ቤት እስራኤል ብሰሪ ኣብሳኦም ከም እተማረኹ ኺፈልጡ እዮም። ንኣይ ጠሊሞም እዮም እሞ፣ ገጸይ ከወልኩሎም፣ ኣብ ኢድ ጸላእቶም ወፌኽዎም፣ ኵላቶም ድማ ብሰይፊ ወደቑ።

Tools 24. ከም ርኽሰቶምን ከም ኣበሳኦምን መጠን ገበርክዎም፣ ገጸይ ከወልኩሎም።

Tools 25. ስለዚ እግዚኣብሄር ኣምላኽ ከምዚ ይብል አሎ፣ ሕጂ ንያእቆብ ካብ ምርኮ ኽመልሶ፣ ንዅላ ቤት እስራኤል ከኣ ክምሕራ፣ ስለ እቲ ቅዱስ ስመይ ድማ ክጽዕት እየ።

Tools 26-27. ካብ ማእከል ህዝብታት ምስ መለስክዎም፡ ካብ ሃገር ጸላእቶምውን ምስ ኣኻኸብክዎም፡ ኣብ ቅድሚ ዓይኒ ብዙሓት ህዝብታት ኣባታቶም ምስ ተቐደስኩ፡ ሓደ እኳ ዜፍርሆም ዜብሎም ኣብ ሃገሮም ሀዲኦም ምስ ተቐመጡ፡ ነውሮም ንኣይ ዝጠለምዎ ዅሉ ጥልመት ኪጾሩ እዪም።

Tools 28. ኣነ ናብ ማእከል ህዝብታት ኣማሪኸዮም ነይረስ፡ ድሕርዚ ኸኣ ካባታቶም ሓደ እኳ ኣብኣ ኸየትረፍኩ ናብ ሃገሮም ምስ ኣካኸብክዎም፡ ኣነ እግዚኣብሄር ኣምላኽ ምዃነይ ኪፈልጡ እዮም።

Tools 29. መንፈሰይ ኣብ ልዕሊ ቤት እስራኤል ምስ ከዖኹ፡ ድሕሪ ደጊም ገጸይ ኣይክኽውለሎምን እየ፡ ይብል እግዚኣብሄር ኣምላኽ።