Tools 1. ናብታ መቕደስ ድማ ኣእተወኒ። ነቲ ዓንዲ ሰቕሰቕውን ኣመቶ፣ እቲ ወርዱ ኸም ወርዲ እታ ድንኳን፣ ሹድሽተ እመት በዚ፣ ሹድሽተ እመት ከኣ በቲ ዀነ፣

Tools 2. ወርዲ እታ ኣፍ ደገ ኸኣ ዓሰርተ እመት እዩ፣ ገንዚ እታ ኣፍ ደገ ድማ ሓሙሽተ እመት በዚ፣ ሓሙሽተ እመት ከኣ በቲ እዩ። ምንዋሕ ኣርባዓ እመት፣ ወርዳውን ዕስራ እመት ኣመተ።

Tools 3. ድሕርዚ ናብ ውሽጢ አተወ እሞ ንሰቕሰቕ እታ ኣፍ ደገ ኽልተ እመት፡ ነታ ኣፍ ደገ ኸኣ ሹድሽተ እመት፡ ወርዲ እታ ኣፍደገ ሸውዓተ እመት ኣመቶ።

Tools 4. ነቲ ቕድሚ መቕደስ ምነዋሑ ዕስራ እመት፣ ወርዱ ኸኣ ዕስራ እመት ኣመት። እዚኣ እታ ቅድስቲ ቅዱሳን እያ፣ ከኣ በለኒ።

Tools 5. ድሕርዚ መንደቕ እታ ቤት ሹድሽተ እመት ኣመተ። ኣብ ዙርያ እታ ቤት ብዅሉ ወገና ዘለዋ ኽፍልታት ኣባይቲ ኸኣ ወርደን ኣኣርባዕተ እመት ኣመተ።

Tools 6. እተን ብጎቦታታ ዝነበራ ኽፍሊ ኣባይቲ ሓደ ኣብ ልዕሊ እቲ ሓደ ሰለስተ ደርቢ ዘለወን ሰላሳ እየን። ኣብ መንደቕ እታ ቤት ከይተጸግዓስ፣ ኣብቲ ኣብ ዙርያ ኽፍልታት ኣባይቲ ዘሎ መንደቕ እታ ቤት ኪጸግዓ፣ ኣብኡ ተጋጢመን እየን።

Tools 7. ኣብ ዙርያ እታ ቤት ካብ ደርቢ ናብ ደርቢ ዚዘውር መደያይቦ ነበረ እሞ፣ እቲ ኽፍልታት ኣባይቲ ብዙርያ ንላዕሊ ኣቢሉ ብዝወጸሉ መጠን እናገፍሔ እዩ ዚኸይድ። ስለዚ ምግፋሕ እታ ቤት ናብ ላዕሊ ኣቢሉ እዩ። ከምኡውን ካብ ታሕትስ ብላዕሊ ብማእከላይ ኣቢሉ መደየቢ ኣለዋ።

Tools 8. ኣነ ኸኣ ነታ ቤት ብዙርያኣ ልዕል ዝበለ መሰረት ከም ዘለዋ ርኤኹ። እቲ መሰረት እተን ብጎቦ ዝነበራ ኽፍልታት ኣባይቲ ድማ በታ ሻምብቆ ሹድሽተ እመት ልክዕ እዩ።

Tools 9. እተን ብጎቦ ዘለዋ ኽፍልታት ኣባይቲ እተሀንጻሉ መንደቕ፣ ወርዱ ብወጻኢ ሓሙሽተ እመት እዩ። ኣብ መንጎ እተን ብጎቦ ዝነበራ ኽፍልታት ኣባይቲ ኸኣ ንኣምፉ ዚነብር ቦታታት አሎ።

Tools 10. ኣብ መንጎ እተን ክፍልታት ኣባይቲ ድማ ብዙርያ እታ ቤት ዔዕስራ እመት እዩ።

Tools 11. ደጌታት እተን ብጎቦ ዘለዋ ኽፍልታት ኣባይቲ ኸኣ ናብቲ ንኣምፉ ዚነር ቦታታት፣ ሓንቲ ደገ ንሰሜን፣ ሓንቲ ኸኣ ንደቡብ ኣቢለን እየን። እቲ ንኣምፉ ዘሎ ቦታ ኸኣ ብዙርያኡ ወርዱ ሐሓሙሽተ እመት እዩ።

Tools 12. እቲ ኣብ ቅድሚ እቲ ንኣምፉ ዘሎ ሕዳግ እተሀንጸ ንምዕራብ ወገኑ ወርዱ ሰብዓ እመት እዩ። ናይቲ እተሀንጸ ገንዚ መንደቕ ብዙርያኡ ሓሙሽተ እመት እዩ፣ ምንዋሑ ኸኣ ተስዓ እመት እዩ።

Tools 13. ነታ ቤት ድማ ኣመታ፣ ምንዋሓ ሚእቲ እመት ኰነት። እቲ ንኣምፉ ዘሎ ቦታን እቲ ህኑጽን መንደቑን ከኣ ምንዋሑ ሚእቲ እመት ኰነ።

Tools 14. ቅድሚት እታ ቤት ምስ ናይ እቲ ናብ ምብራቕ ኣቢሉ ንኣምፉ ዘሎ ቦታ፣ ወርዱ ሚእቲ እመት እዩ።

Tools 15. ንሱ ኸኣ ነቲ ኣብ ቅድሚት እቲ ንኣምፉ ዝዀነ ቦታ ኽሳዕ እቲ ብወገን ድሕሪት ዘሎ ህንጻን፣ ነቲ በዝን ብትን ዘሎ መተሓላለፊኡን ኣመቶ፣ ምንዋሑ ድማ ሚእቲ እመት ኰነ። እታ ውሽጣዊት መቕደስን እቲ ገበላይታት እቲ ኣጸድን፣

Tools 16. መድረኻትን እቲ ብሽቦ እተፈብረ መሳዅትን እቲ ኣብ ዙርያ እተን ሰለስተ ደርብታት ዘሎ መተሓላለፍን ኣንጻር እቲ ልዳት፣ ካብ ምድሪ ጀሚሩ ኽሳዕ እቲ መሳዅቲ ብዙርያኡ ብሉሕ ተኸድኑ እዩ፣ እቲ መሳዅቲ ድማ ክዱን እዩ።

Tools 17. ካብ ልዕሊ እታ ደገ ኽሳዕ እታ ውሽጣዊት ቤት፣ ብወጻእን ብዙርያ ዅሉ እቲ መንደቕን፣ ብኣታዊኡን ብወጻኢኡን ብልክዕ እዩ።

Tools 18. ኪሩቤልን ስየን ተቐሪጽዎ አሎ። ኣብ መንጎ ኪሩቤልን ኪሩቤክን ከኣ ሓንቲ ስየ አላ። ነፍሲ ወከፍ ኪሩቤል ከኣ ከክልተ ገጽ አለዎ።

Tools 19. ነታ ስየን ናብዚ ወገና ገጽ ሰብ፣ ነታ ስየስ ናብቲ ወገና ኸኣ ገጽ ኣንበሳ ኣለዋ። ንብዘላ እታ ቤት ብዅሉ ዙርያኣ ኸምኡ ተገኡርዋ እዩ።

Tools 20. ካብ ምድሪ ሒዙ ኽሳዕ እቲ ልዕሊ ደጊኣ ኪሩቤል ስየን ተቕሪጽዎ አሎ። እቲ መንደቕ እታ ቤተ መቕደስውን ከምኡ እዩ።

Tools 21. ልዳውቲ እታ መቕደስ ኣርባዕተ ዝመኣዝኑ እዩ። ደገ እታ ቅድስቲ ቦታ ድማ ትርኢቱ ኸምኡ እዩ።

Tools 22. እቲ መሰውኢ ድማ ካብ ሉሕ እተገብረ እዩ። ቍመቱ ሰለስተ እመት፣ ምንዋሑ ኽልተ እመት እዩ። መኣዝን ከኣ አለዎ፣ ግድጊዳኡ ኸኣ ሉሕ እዩ። ንሱውን፣ እዚኣስ እታ ኣብ ቅድሚ እግዚኣብሄር ዘላ መኣዲ እያ፣ በለኒ።

Tools 23. ንታ መቕደስን ቅድስቲ ቦታን ክልተ ማዕጾ ኣለዋኤን።

Tools 24. ነፍሲ ወከፍ ማዕጾ ድማ ክልተ መቃን፣ ኣብ ከክልተ ዚዕጸፉ መቃን፣ ነታ ሓንቲ ማዕጾ ኽልተ መቃን፣ ነታ ኻልኣይቲ ኸኣ ክልተ መቃን ኣለዋኤን።

Tools 25. ከምቲ ኣብ መንደቕ ዘሎ፣ ኣብተን ደጌታት መቕደስ ከኣ ኪሩቤልን ስየን ተቐሪጽወን አሎ። ኣብ ወጻኢ እቲ ገጽ ገበላ ኸኣ ካብ ረጕድ ኦም እተገብረ ናሕሲ አሎ።

Tools 26. ኣብ ጎቦታት እታ ገበላ ኸኣ በዝን በትን ዓይኒ ርግቢ ዘለወን መሳዅትን ስየን ኣለዋ። እተን ብጎቦ ዝነበራ ኽፍልታት ኣባይቲ እቲ ህንጻን እቲ ናሕሲ ዕጨይትን ከኣ ከምኡ እዩ።