Tools 1. ከምዚ ዚብል ቃል እግዚኣብሄር ድማ መጸኒ፣

Tools 2. ኣታ ወዲ ሰብ፣ ገጽካ ናብ የሩሳሌም ኣቢልካ ምለስ፣ ቃልካ ኸኣ ዓው ናብቲ ቕዱስ ስፍራታት ኣንጠብጥብ፣ ንሃገር እስራኤል ከኣ ኣንጻር ተነበየሉ።

Tools 3. ነታ ሃገር እስራኤል፣ እግዚኣብሄር ከምዚ ይብል አሎ፣ ኢልካ ንገራ፣ እኔኹ ኣናጻርኪ እየ፣ ሰይፈይ ከኣ ካብ ሰገባኡ ኽመልሖ ካባኺውን ጻድቃንን ረሲኣንን ከጥፍእ እየ።

Tools 4. ንጻድቃንን ረሲኣንን ካባኺ ኸጥፍኦም እየ እሞ፣ ስለዚ ንዅሉ ስጋ ኽወቅዕ ካብ ደብብ ክሳዕ ሰሜን ሰይፈይ ካብ ሰገባኡ ኺምላሕ እዩ።

Tools 5. ስጋ ዘዝበሉ ዅሎም ከኣ፣ ኣነ እግዚኣብሄር ሰይፈይ ካብ ሰገባኡ ኸም ዝመላሕኩ፣ ኪፈልጡ እዮም፣ ኣይኪምለስን ድማ እዩ።

Tools 6. ስለዚ ኣታ ወዲ ሰብ፣ ቈዝም፣ ብምስባር ሓቛቝኻ፣ ብመሪር ቃንዛ ኣብ ቅድሚ ኣዒንቶም ቈዝም።

Tools 7. ኪኸውን ከኣ እዩ፣ እንታይ ኴንካ ትቝዝም፡ ኢሎም እንተ ሐተቱኻ፣ ንስኻ፣ በቲ ዚመጽእ ወረ ዅሉ ልቢ ኺመክኽ፣ ኵለን ኣእዳው ድማ ወለል ኪብላ፣ ኵሉ መንፈስ ከኣ ኪሕለል፣ ኵሉ ኣብራኽውን ከም ማይ ኪፈስስ እዩ፣ ኢልካ ምለሰሎም። እንሆ፣ ይመጽእ አሎ፣ ኪፍጸም ድማ እዩ፣ ይብል እግዚኣብሄር ኣምላኽ።

Tools 8. ከምዚ ዚብል ቃል እግዚኣብሄር ከኣ መጸኒ፣

Tools 9. ኣታ ወዲ ሰብ፣ ተነበ በልውን፣ እግዚኣብሄር ከምዚ ይብል አሎ፣ ሰይፊ፣ ሰይፊ በሊሑን ተወልዊሉን አሎ በል።

Tools 10. ምእንቲ ኺሐርድ በሊሑ፣ ምእንቲ ማሕማሕ ኪብል ተወልዊሉ። እምብኣርሲ ብእኡዶ ክንሕጐስ ኢና፡ በትሪ ወደይ ንዅለን ኣዕጻው ትንዕቀን አላ።

Tools 11. ብኢድ ምእንቲ ኪተሐዝ፣ ኪውልወል ሀቦ። እቲ ሰይፊ ናብ ኢድ ቀታሊ ምእንቲ ኺውፈ፣ ተሳሕለን ተወልወለን።

Tools 12. ኣታ ወዲ ሰብ፣ እዚ ኣብ ህዝበይን ኣብ ኵሎም መሳፍንቲ እስራኤልን ኪኸውን እዩ እሞ፣ ጭርሕ፣ ዋይዋይ ከኣ በል። ምስ ህዝበይ ንኣደዳ ሰይፊ ተዋሂቦም እዮም፣ ስለዚ ሰለፍካ ውቓዕ።

Tools 13. ምዕዛብ መጸ፣ እታ እትንዕቕ በትሪ እኳ ኻብ ዘይትህሉስ፣ እንታይ ደኣ እዩ፣ ይብል እግዚኣብሄር ኣምላኽ።

Tools 14. ኣታ ወዲ ሰብ፣ ተነበ በእዳውካ ኸኣ ኣጣቕዕ። እቲ ሰይፊ ሰለስተ ጊዜ ይካዕበት፣ እቲ ሰይፊ ናይቶም ክሳዕ ሞት ዚቘሰሉ፣ እቲ ሰይፊ ናይቲ ኽሳዕ ሞት ዝቘሰለ ዓብዪ እዩ ናብ ቤቶም ዚኣቱ።

Tools 15. ልቦም ምእንቲ ኺመክኽ፣ ዕንቅፋቶም ከኣ ኪበዝሕሲ፣ ኣንፊ ሰይፊ ናብ ኵሉ ኣፍ ደጌታቶም ኣቢለ ኣንበርኩ። ኣየ፣ ከም በርቂ መስመስ ይብል፣ ኪሐርዱሉ ኸኣ ተሳሒሉ አሎ።

Tools 16. ስሕለትካ ናብ ዘበሎ ተዳሊኻ ንየማን ወይስ ንጸጋም ኪድ።

Tools 17. ኣነ ድማ ኣእዳወይ ከጣቕዕ፣ ሃና ነድረይውን ከውጽእ እየ። ኣነ እግዚኣብሄር እየ ተዛሪበዮ ዘሎኹ።

Tools 18. መሊሱውን ከምዚ ዚብል ቃል እግዚኣብሄር መጸኒ፣

Tools 19. ኣታ ወዲ ሰብ፣ ሰይፊ ንጉስ ባቢሎን ዚሐልፈለን ክልተ መገዲ ንኣኻ ግበር፣ ክልቴኤን ካብ ሓደ ሃገር ይውጽኣ። መሓበርታ ኸኣ ግበር፣ ኣብ ርእሲ እታ ናይታ ኸተማ መገዲ ግበሮ።

Tools 20. ሰይፊ ናብ ራባት ናይ ደቂ ዓሞን፣ ናብ ይሁዳ ኸኣ ናብታ ዕርድቲ የሩሳሌም ኪመጽእስ፣ መገዲ ኽትገብር ኢኻ።

Tools 21. እቲ ንጉስ ባቢሎን ምእንቲ ኽጥንቍል፣ ኣብታ ቓራና መገዲ፣ ኣብ ርእሲ ኽልቲኤን መገዲ ደው ኢሉ አሎ፣ ፍላጻታት የነኒ፣ ንጣኦታት ቤት ይጥይቕ፣ ከብዲ ይጥምት አሎ።

Tools 22. ኣብኡ መፍረስ ዕርዲ ኺትከል፣ ንዘመራ ውግእ ኣፉ ኪኸፍት፣ ንሆይታ ውግእ ዓው ኢሉ ኺጭድር፣ ኣብ መንጽር ደጌታት ከኣ መፍረስ ዕርዲ ኬቕምው፣ ሓመድ ኵዒቱውን ዕርዲ ኺነድቕሲ፣ ኣብ የማነይቱ ናብ የሩሳሌም እተመልክት ዕጭ አላቶ።

Tools 23. ማሕላ ምሒሎም ክነሶምሲ፣ እዚ ጠንቈላ እዚ ሓሶት ኰይኑ ኺረኣዮም እዩ። ንሱ ግና፣ ምእንቲ ኺተሐዙ፣ ኣበሳኦም ኬዘክር እዩ።

Tools 24. ስለዚ እግዚኣብሄር ኣምላኽ፣ ገበንኩም ተቐሊዑ፣ ሓጢኣትኩም ብዅሉ ግብርኹም ብምርኣዩ፣ ኣበሳኹም ስለ ዘዘከረኩም፣ ዝኽርኹም ተዘኪሩ እዩ እሞ፣ ስለዚ ብሓያል ኢድ ክትተሐዙ ኢኹም፣ ይብል አሎ።

Tools 25. ኣታ በዚ ኣበሳ ዚፍጸመሉ ጊዜ መዓልትኻ ዝበጽሔ ርኹስ ረሲእ መስፍን እስራኤል፣

Tools 26. እግዚኣብሄር ኣምላኽ ከምዚ ይብል አሎ፣ ዘውዲ ቐንጥጥ፣ ኣኽሊል ኣውጽእ። እዝስ ከምዚ ዘለዎ ዀይኑ ኣይኪነብርን እዩ። እቲ እተዋረደ ልዕል ይበል፣ እቲ ልዕል ዝበለ ኸኣ ይዋረድ።

Tools 27. ጥፍኣት፣ ጥፍኣት፣ ጥፍኣት ካባይ ኪመጻ እዩ። እቲ ኣነ ንእኡ ዝህቦ በዓል ፍርዲ ኽሳዕ ዚመጽእ፣ እዚ ኸኣ ኣይኪነብርን እዩ።

Tools 28-29. ንስኻ ድማ፣ ኣታ ወዲ ሰብ፣ ተነበ፣ እግዚኣብሄር ኣምላኽ ብዛዕባ ደቂ ዓሞንን ብዛዕባ ጸርፎምን ከምዚ ይብል አሎ፣ ኢልካ ንገር በልውን፣ ኣብ ልዕሊ ኽሳድ እቶም በዚ ኣበሳ ዚፍጸመሉ ጊዜ መዓልቶም ዝበጽሔ ቕቱላት ረሲኣን ኼንብሩኽስ፣ ከንቱነት ኪርእዩልኪ፣ ጠንቈላ ሓሶት ከኣ ኪናገሩልኪ ኸለዉ፣ ሰይፊ፣ ሰይፊ ተመሊሑ አሎ። ኪሐርድን ኪጐምምን መስመስ ኪብልን ተወልዊሉ አሎ።

Tools 30. ናብ ሰገባኡ ኽተቶ፣ ኣብታ እተፈጠርካላ ቦታ፣ ኣብታ እተወለድካላ ሃገር ክፈርደካ እየ።

Tools 31. ኵራይ ኣብ ልዕሌኻ ክኽዕዎ፣ ሓዊ ነድረይ ድማ ኡፍ ክብለልካ፣ ናብ ኢድ እቶም ከም ኣራዊት ዝበሉ፣ ምጥፋእ ዝተግባሮም ሰባት ክውፍየካ እየ።

Tools 32. ብልዒ ሓዊ ክትከውን ኢኻ፣ ደምካ ኣብ ማእከል ሃገር ኪክዖ እዩ። ኣነ እግዚኣብሄር ተዛሪበ እየ እሞ፣ ዚዝክረካ የልቦን።