Tools 1. ድሕርዚ ናብቲ ደገ፣ ናብቲ ንምብራቕ እትርኢ ደገ ኣውጽኣኒ።

Tools 2. እንሆ ኸኣ፣ ክብሪ ኣምላኽ እስራኤል ካብ ምብራቕ ኣቢሉ መጸ። ድምጺ ድማ ከም ህማም ብርቱዕ ማያት ነበረ። ምድሪውን ብኽሩ በርሄት።

Tools 3. እቲ ኣነ ዝርኤኽዎ ራእይ ድማ ከምቲ ነታ ኸተማ ኸጥፍእ ምስ መጻእኩ ዝርኤክዎ ራእይ እዩ። እዚ ራእያት እዚ ኸኣ ከምቲ ኣብ ርባ ኬባር ዝርኤኽዎ ራእይ እዩ። ኣነውን ብገጸይ ፍግም ኢለ ወደቕኩ።

Tools 4. ክብሪ እግዚኣብሄር ድማ በታ ናብ ምብራቕ እተርኢ ድገ ናብታ ቤት ኣተወ።

Tools 5. መንፈስ ሐፍ ኣበለኒ፣ ናብታ ውሽጣዊት ኣጸድ ከኣ ኣእተወኒ፣ እንሆው፣ ክብሪ እግዚኣብሄር ነታ ቤት መልኣ።

Tools 6. ኣነ ኸኣ ካብታ ቤት ሓደ ኺዛረበኒ ኸሎ ሰማዕኩ፣ ኣብ ጥቓይ ድማ ሰብኣይ ደው ኢሉ ነበረ።

Tools 7. በለኒውን፣ ኣታ ወዲ ሰብ፣ እታ ኣብ ማእከል ደቂ እስራኤል ንሓዋሩ ዝነብረላ ቦታ ዝፋነይን እግረይ ዚረግጻ ቦታን እዚኣ እያ። ቤት እስራኤል፣ ንሳቶምን ነገስታቶምን ነቲ ቅዱስ ስመይ ብምንዝርናኦምን ብሬሳ ነገስታቶምን ኣብቲ በረኽቲ ቦታኦም ድሕርዚ ኣይኬርስክዎን እዮም።

Tools 8. መንደቕ ጥራይ ኣብ መንጎይን መንጎኦምን ክሳዕ ዚኸውን፣ መድረኾም ኣብ ጥቓ መድረኸይ፣ ልዳቶም ኣብ ጥቓ ልዳተይ ገበሩ። በዚ ዝገበርዎ ጽያፍ ነቲ ቅዱስ ስመይ ኣርከስዎ፣ ስለዚ ድማ ብቝጥዓይ ኣጥፋእክዎም።

Tools 9. ሕጂ ንምንዝርናኦምን ንሬሳ ነገስታትምን ካባይ ኬርሕቑ እዮም፣ ኣነውን ንሓዋሩ ኣብ ማእከሎም ክነብር እየ።

Tools 10. ኣታ ወዲ ሰብ፣ ብኣበሳኦም ኪሐፍሩስ ንቤት እስራኤል እዛ ቤት እዚኣ ኣርእዮም፣ ኣተሃናንጻኣ ኸኣ ኣለክዓዮም።

Tools 11. በቲ ዝገበርዎ ዅሉ እንተ ሐፈሩስ፡ ምስላን ስርዓታን ዘበለ ዅሉ ምእንቲ ኺሕልውዎን ኪገብርዎን፡ ምስሊ እታ ቤትን ኣሰራርዕኣን ነቲ መውጽኢኣን መእተዊኣን ኵሉ ምስላን ኵሉ ስዓታን፣ ኵሉ ምስላን ኵሉ ሕጋጋታን ኣፍልጦም፣ ኣብ ቅድሚ ኣዒንቶም ከኣ ጽሐፎ።

Tools 12. ሕጊ እታ ቤት ድማ እዚ እዩ፣ እቲ ኣብ ዝባን እቲ ኸረን ኣብ ኵሉ ዙርያኡ ዘሎ ቦታ ኣዝዩ ቅዱስ እዩ፣ እንሆ፣ ሕጊ እታ ቤት እዚ እዩ።

Tools 13. ልክዕ እታ መሰውኢ ድማ ብእመትሲ እዚ እዩ፦ እታ እመት ከኣ እመትን ስድርን እያ፦ እግሩ ሓደ እመት ወርዱ ኸኣ ሓደ እመት እዩ። ብዘሎ ዙርያ ኸንፈራውን ገንዙ ሓደ ስድሪ እዩ። እዚ መሰረት እቲ መሰውኢ እዩ።

Tools 14. ካብ ምድሪ ጀሚሩ ኽሳዕ እቲ ታሕታይ ሕዳግ ክልተ እመት፣ ወርዱ ኸኣ ሓደ እመት እዩ። ካብቲ ታሕታይ ሕዳግ ጀሚሩ ኽሳዕ እቲ መወዳእታ ሕዳግ ድማ ኣርባዕተ እመት፣ ወርዱን ሓደ እመት እዩ።

Tools 15. እቲ ዝባን መሰውኢ ኣርባዕተ እመት እዩ፣ ካብቲ መእጐድ ሓዊ መሰውኢ ንላዕሊ ኣቢሉ ኸኣ ኣርባዕተ ቐርኒ አሎ።

Tools 16. እቲ ናይ መሰውኢ መእጐድ ሓዊ ምንዋሑ ዓሰርተው ክልተ እመት፣ ወርዱ ኸኣ ዓሰርተው ክልተ እመት እዩ። ኣርባዕቲኡ መኣዝኑውን ማዕረ እዩ።

Tools 17. እቲ ሕዳግ ከኣ በርባዕተ ወገኑ ምንዋሑ ዓሰርተው ኣርባዕተ እመት፣ ወርዱውን ዓሰርተው ኣርባዕተ እመት ማዕረ ማዕረ እዩ። እቲ ኣብ ዙርያኡ ዘሎ ኸንፈር ድማ ፈረቓ እመት፣ እግሩ ኸኣ ብኽቡ ሓደ እመት እዩ። ደረጃታቱውን ናብ ምብራቕ ገጹ እዩ።

Tools 18. በለኒ ድማ፣ ኣታ ወዲ ሰብ፣ እግዚኣብሄር ኣምላኽ ከምዚ ይብል አሎ፣ መስዋእቲ ምሕራር ኣብኡ ምእንቲ ኬቕርቡ፣ ደም ከኣ ኣብኡ ኺነጽጉስ፣ በቲ ዚስርሓሉ መዓልቲ፣ ስርዓት እቲ መሰውኢ እዚ እዩ፤

Tools 19. እግዚኣብሄር ኣምላኽ ከምዚ ይብል አሎ፣ ነቶም ኬገልግሉኒ ኢሎም ዚቐርቡኒ፣ ካብ ዘርኢ ጻዶቅ ዝዀኑ ሌዋውያን ካህናት ንመስዋእቲ ሓጢኣት ዚኸውን ዝራብዕ ክትህቦም ኢኻ።

Tools 20. ንስኻ ድማ ካብቲ ደሙ ኽትወስድ፣ ኣብቲ ኣርባዕተ ቐርኑን ኣብቲ ኣርባዕተ መዛን ሕዳጋትን ኣብቲ ኸንፈሩን ኣብ ዙርያኡ ኽትገብሮ ኢኻ፣ በዚ ኸምዚ ኸተጽርዮን ከተትዐርቖን ኢኻ።

Tools 21. ነቲ ዝራብዕ መስዋእቲ ሓጢኣት ክትወስዶ ኢኻ፣ ኣብ ወጻኢ መቕደስ፣ ኣብቲ እተወሰነሉ ቦታ እታ ቤት ድማ ኪነድድ እዩ።

Tools 22. ብኻልኣይ መዓልቲ ኸኣ ጕድለት ዜብሉ ድቤላ ንመስዋእቲ ሓጢኣት ከተቕርብ ኢኻ። ከምቲ ብዝራብዕ ገይሮም ዘጽረይዎ፣ ነቲ መሰውኢ ኼጽርይዎ እዮም።

Tools 23. ምጽራዩ ምስ ፈጸምካ፣ ጕድለት ዜብሉ ዝራብዕ፣ ካብ ኣባጊዕውን ጕድለት ዜብሉ ድዑል ከተቕብር ኢኻ።

Tools 24. ኣብ ቅድሚ እግዚኣብሄር ከተቕርቦ ኢኻ፣ እቶም ካህናት ድማ ጨው ኪንስንሱሎም፣ መስዋእቲ ምሕራር ከኣ ንእግዚኣብሄር ኬቕርቡሉ እዮም።

Tools 25. ሾብዓተ መዓልቲ ዕለት ዕለት መስዋእቲ ሓጢኣት ዚኸውን ድቤላ ኸተቕርብ ኢኻ። ጕድለት ዜብሎም ዝራብዕን ካብ ኣባጊዕ ድማ ድዑልን ኪስውኡ እዮም።

Tools 26. ሾብዓተ መዓልቲ ነቲ መሰውኢ ኼተዐርቕዎን ኬንጽህዎን ኪጽምብልዎን እዮም።

Tools 27. እዘን መዓልትታት እዚኤን ምስ ተፈጸማ፣ በታ ሳምነይቲ መዓልቲ ብድሕሪኣን እቶም ካህናት ኣብቲ መሰውኢ ንመስዋእቲ ምሕራርኩምን ንመስዋእቲ ምስጋናኹምን ኬቕርቡ እዮም። ኣነውን ባህ ኢሉኒ ክቕበለኩም እየ፣ ይብል እግዚኣብሄር ኣምላኽ።