Tools 1. ኰነ ድማ፣ ኣብ መበል ዓሰርተው ክልተ ዓመት፣ ኣብታ መበል ዓሰርተው ክልተ ወርሒ፣ ካብታ ወርሒውን ኣብታ ቐዳመይቲ መዓልቲ ኸምዚ ዚብል ቃል እግዚኣብሄር መጸኒ፣

Tools 2. ኣታ ወዲ ሰብ፣ ንፈርኦን ንጉስ ግብጺ ድጕዓ መልቀስ ደጕዓሉ፣ በሎውን፣ ንስኻ ኣብ ማእከል ህዝብታት ከም ሽደን ኣንበሳ፣ ኣብ ባሕርታት ከኣ ከም ገበል ትመስል ነበርካ፣ ኣብ ርባታትካ ጨንደላሕ በልካ፣ በእጋርካ ማያት ኣናወጽካ፣ ነቲ መሳኑ ድማ ዘርግካዮ።

Tools 3. እግዚኣብሄር ኣምላኽ ከምዚ ይብል አሎ፣ ብእኩባት ብዙሓት ህዝብታት ገይረ ኣነ መርበበይ ክዝርግሓልካ እየ፣ ንሳቶም ከኣ ብመርበበይ ኪስሕቡኻ እዮም።

Tools 4. ኣብ ልዕሊ ምድሪ ጻሕ ከብለካ፣ ኣብ መሮር ክድርብየካ፣ ኵለን ኣዕዋፍ ሰማይ ከዕስለልካ እየ። ኣራዊት ኵላ ምድሪ ድማ ብኣኻ ኸጽግቦም እየ።

Tools 5. ንስጋካ ኣብ ልዕሊ ኣኽራን ከንብሮ፣ ንሽንጭሮታት ከኣ በቲ ኣሰከሬንካ ኽመልሶ እየ።

Tools 6. ነታ እትምሕሰላ ዘሎኻ ምድሪ ኽሳዕ ኣኽራን ብደምካ ኽስትያ እየ፣ እቲ ርባታት ከኣ ብኣኻ ኪመልእ እዩ።

Tools 7. ከጥፍኣካ ኸሎኹ፣ ንሰማያት ከጐልብቦ፣ ንኸዋኽብቱ ኸኣ ከጸልምቶም፣ ንጸሓይ ብደበና ክኽውላ እየ፣ ወርሒውን ብርሃና ኣይክትህብን እያ።

Tools 8. ንዅሉ ብርሃናት ሰማይ ብሰርካ ኸጸልምቶ፣ ኣብ ሃገርካውን ጸልማት ክዝርግሕ እየ፣ ይብል እግዚኣብሄር ኣምላኽ።

Tools 9. ወረ ጥፍኣትካ ናብ ህዝብታት፣ ናብ ዘይትፈልጦ ሃገራት ምስ ኣብጻእኩ፣ ልቢ ብዙሓት ኣህዛብ ከሕዝን እየ።

Tools 10. ንሰይፈይ ኣብ ቅድሚኦም ማህማህ ከብሎ ኸሎኹ፣ ንብዙሓት ህዝብታት ብኣኻ ኽሰክሖም እየ፣ ነገስታቶም ድማ ኣዝዮም ኪርዕዱ እዮም። ብመዓልቲ ውድቀትካ ኸኣ ነፍሲ ወከፍ ኵሉ ጊዜ ስለ ህይወቱ ራዕራዕ ኪብል እዩ።

Tools 11. ስለዚ እግዚኣብሄር ኣምላኽ ከምዚ ይብል አሎ፣ ሰይፊ ንጉስ ባቢሎን ኪለዐለካ እዩ።

Tools 12. ነቲ ብዙሕ ህዝብኻ ብሰይፊ እቶም ሓያላት ከውድቖ እየ። ንሳቶም ኵላቶም ካብ ህዝብታት ዚጭክኑ እዮም። ንሓበን ህዝቡ ኸኣ ኪጠፍእ እዩ።

Tools 13. ነቶም ኣብ ጥቓ ብዙሕ ማያት ዝነበሩ ዅሎም እንስሳኡ ኸጥፍእ እየ። ድሕርዚ እግሪ ሰብ ኣይኪዘርጎን ሸዀና እንስሳውን ኣይኪዘርጎን እዩ።

Tools 14. ሽዑ ንማያቶም ከጽርዮ እየ፣ ንርባታቶም ድማ ከም ዘይቲ ኸውሕዞ እየ፣ ይብል እግዚኣብሄር ኣምላኽ።

Tools 15. ነታ ሃገር ግብጺ በረኻ ምስ ገበርክዋ፣ እቲ ነታ ሃገር መሊእዋ ዝነበረ ምስ ወቓኢክዎም፣ ሽዑ ኣነ እግዚኣብሄር ምዃነይ ኪፈልጡ እዮም።

Tools 16. እቲ ዚድጓዕ ድጕዓ መልቀስ እዚ እዩ። ኣዋልድ ህዝብታት ኬልቅሳኦ፣ ብዛዕባ ግብጽን እቲ ብዙሕ ህዝባን ኬልቅሳላ እየን፣ ይብል እግዚኣብሄር ኣምላኽ።

Tools 17. ኰነ ኸኣ፣ ኣብ መበል ዓሰርተው ክልተ ዓምት፣ ካብታ ወርሒ ኸኣ ኣብታ መበል ዓሰርተው ሓሙሽተ መዓልቲ ኸምዚ ዚብል ቃል እግዚኣብሄር መጸኒ፣

Tools 18. ኣታ ወዲ ሰብ፣ ነቲ ብዙሕ ህዝቢ ግብጺ ኣልቅሰሉ፣ ንእኣን ነተን ኣዋልድ ክቡራት ህዝብታትን ምስቶም ናብ ጕድጓድ ዚወርዱ ናብ መዓሙቝ ምድሪ ኣውርደን።

Tools 19. ብጽባቐስ ካብ መን ትበልጺ፡ ውረዲ፣ ምስቶም ዘይግዙራት ከኣ ደቅሲ።

Tools 20. ኣብ ማእከል እቶም ብሰይፊ እተቐትሉ ኺወድቁ እዮም። እቲ ሰይፊ ተዋሂቡ አሎ። ምስቲ ብዙሕ ህዝባ ጓትትዋ።

Tools 21. ካብቶም ጀጋኑስ እቶም ኣውራታት ሓያላት ካብ ውሽጢ ሲኦል ንእኡን ንደገፍቱን ከምዚ ኢሎም ኪዛረብዎ እዮም፣ እቶም ዘይግዙራት ብሰይፊ እተቐትሉ ወሪዶም፣ ኣብኡ በጥ ኢሎም አለዉ።

Tools 22. ኣብኡ ኣሶርን ኵሉ ህዝባን አለዉ፣ ኣብ ዙርያኡ መቓብሩ አሎ። ኵላቶም ተቐትሉ፣ ብሰይፊ ወደቑ።

Tools 23. መቓብሮም ኣብ መኦኣሙቝ ጕድጓድ፣ ህዝባ ኸኣ ኣብ ዙርያ መቓብራ አሎ። እቶም ኣብ ሃገር ህያዋን ዜስክሑ ዝነበሩ ኵላቶም ተቐቲሎም ብሰይፊ ወዲቖም እዮም።

Tools 24. ኣብኡ ዔላምን ኵሉ ህዝባን ኣብቲ ዙርያ መቓብራ አለዉ። ኵላቶም ተቐትሉ፣ ብስይፊ ወደቑ፣ ንሳቶም ኣብ ምድሪ ህያዋን ዜሰክሑ ዝነበሩ ዘይግዙራት ናብ መኦኣሙቝ ምድሪ ወረዱ፣ ምስቶም ናብ ጕድጓድ ዝወረዱ ኸኣ ነውሮም ተሰከሙ።

Tools 25. ንእኣን ንዅሉ ህዝባን ኣብ ማእከል እቶም ቅቱላት ኣንጸፊሎም። መቓብራ ኣብ ዙርያኣ እዩ። ኣብ ምድሪ ህያዋን ዜሰክሑ ነበሩ እሞ፣ ኵላቶም ዘይግዙራት ብሰይፊ እተቐትሉ እዮም፣ ነውሮም ድማ ምስትም ናብ ጕድጓድ ዚወርዱ ተሰከሙ። ኣብ ማእከል ቅቱላት ተነብሩ።

Tools 26. ኣብኡ መሴክን ቱባልን ምስ ኵሉ ህዝቦም አለዉ። ኣብ ዙርያኣ መቓብር አሎ። ኣብ ምድሪ ህያዋን መሰክሒ ስለ ዝነበሩ፣ ኵላቶም ዘይግዙራት ብሰይፊ እተቐትሉ እዮም።

Tools 27. ንሳቶም ከኣ ምስቶም ካብቶም ዘይግዙራት ዝወደቑ ምስ ኣጽዋር ውግኦም ናብ ሲኦል ዝወረዱ፣ ኣብ ትህቲ ኣርእስቶም ድማ ኣስያፎም ዘንበሩሎም ጀጋኑ፣ ምሳታቶም ኣይድቅሱን እዮም። ኣብ ምድሪ ህያዋን መሰክሕ ጀጋኑ ስለ ዝነበሩ፣ ኣበሳኦም ኣብ ልዕሊ ኣዕጽምቶም እዩ።

Tools 28. ንስካ ኸኣ ኣብ ማእከል እቶም ዘይግዙራት ክትሰባበር፣ ምስቶም ብሰይፊ እተቐትሉ ድማ ክትድቅስ ኢካ።

Tools 29. ኣብኡ ኤዶምን ነገስታታን ኵሎም መሳፍንታን አለዉ። እዚኣቶም ሃይሎም ምስቶም ብሰይፊ እተቐትሉ ተነብሩ። ምስቶም ናብ ጕድጓድ ዝወረዱን ዘይግዙራትን ደቂሶም አለዉ።

Tools 30. ኣብኡ እቶም ምስቶም ቅቱላት ዝወረዱ ኵላቶም መሳፍንቲ ሰሜንን ኵላቶም ሲዶናውያንን አለዉ። ብሃይሎም ዜስክሑ ኽነሶም ነዊሮም፣ ዘይግዙራት ኰይኖም ምስቶም ብሰይፊ እተቐትሉ ይድቅሱ አለዉ፣ ምስቶም ናብ ጕድጓድ ዝወረዱ ኸኣ ነውሮም ይጾሩ አለዉ።

Tools 31. ፈርኦን ኪርእዮም፣ ስለ ዅሉ ህዝቡ ኸኣ ኪጸናናዕ እዩ። ፈርኦንን ኵሉ ሰራዊቱን ብሰይፊ ተቐቲሎም እዮ፣ ይብል እግዚኣብሄር ኣምላኽ፣

Tools 32. ኣነ ኣብ ምድሪ ህያዋን መሰክሒ ዚኸውን ከምጽእ እየ እሞ፣ ንፈርኦንን ንዅሉ ህዝቡን ኣብ ማእከል እቶም ዘይግዙራት፣ ምስቶም ብሰይፊ እተቐትሉ በጥ ኬብልዎም እዮም፣ ይብል እግዚኣብሄር ኣምላኽ።