Tools 1. ኣታ ወዲ ሰብ፡ ነኽራን እስራኤል ተነበየሎም፡ ኣቱም ኣኽራን እስራኤል ቃል እግዚኣብሄር ስምዑ፡ ከኣ በሎም።

Tools 2. እግዚኣብሄር ኣምላኽ ከምዚ ይብል አሎ፣ እቲ ጸላኢ፣ ኣሰይ፣ እቲ ናይ ጥንቲ በረኽቲ ርስትና ዀነ፣ ኢሉ ብዛዕባኹም ተዛሪቡ እዩ እሞ፣

Tools 3. ስለዚ ተነበ፣ እግዚኣብሄር ኣምላኽ ከምዚ ይብል አሎ፣ ኢልካውን ንገር፣ ነቶም ዝተረፉ ህዝብታት ርስቶም ምእንቲ ኽትኰኑስ፣ ንሳቶም ብዅሉ ወገን ኣባዲሞምኹምን ውጢጦምኹምን፣ መዛረብ ልሳንን መሕመዪ ህዝብን ከኣ ኴንኩም ኢኹም እሞ፣

Tools 4. ስለዚ፣ ኣቱም ኣኽራን እስራኤል፣ ቃል እግዚኣብሄር ኣምላኽ ስምዑ፣ እግዚኣብሄር ኣምላኽ ነኽራንን ንዅድዅዶታትን ንርባታትን ንሽንጭሮታትን ንዝባደመ ዑናታትን ነተን እተሐድጋ እሞ ነቶም ኣብ ዙርያኤን ዝተረፉ ህዝብታትሲ ንዘመተን ልግጫን ኰይነን እተወፈያ ኸተማታትን ከምዚ ይብል አሎ፣

Tools 5. ስለዚ እግዚኣብሄር ኣምላኽ ከምዚ ይብል አሎ፣ ነቶም ብምሉእ ልቦም ተሐጕሶም፣ ብነፍሶም ንዒቖም፣ ዘመተ ኽትከውንሲ፣ ነታ ሃገረይ እተረስተየዋ ተረፍ ህዝብታትን፣ ብዘሎ ኤዶምን ብሓዊ ቕንኣተይ ተዛረብኩ።

Tools 6. እምብኣርሲ ነኽራንን ንዅድዅዶታትን ንርባታትን ንሽንጭሮታትን፣ እግዚኣብሄር ኣምላኽ፣ እንሆ፣ ንስኻትኩም ነውሪ ህዝብታት ስለ እተሰከምኩም፣ ኣነ ብቕንኣተይን ብነድረይን ተዛረብኩ፣ ይብል አሎ ኢልካ ብዘዕባ ሃገር እስራኤል ተነበ።

Tools 7. ስለዚ እግዚኣብሄር ኣምላኽ ከምዚ ይብል አሎ፣ ኣነ ኢደይ ኣልዒለ እየ፣ እዞም ኣብ ከባቢኹም ዘለዉ ህዝብታት ንሳቶም ነውሮም ኪስከሙ እዮም።

Tools 8-9. ግናኸ፣ ኣቱም ኣኽራን እስራኤል፣ እኔኹ ናባኻትኩም ክመጽእ፣ ናባኻትኩምውን ከብል እየ። ንስኻትኩም ከኣ ክትሕረሱን ክትዝርኡን ኢኹም እሞ፣ ምምላሶም ስለ ዝቐረበ፡ ንህዝበይ እስራኤል ጨናፍርኩም ኪጭብጭብ፣ ፍሬኹም ከኣ ኪፈሪ እዩ።

Tools 10. ኣባኻትኩም ንዅላ ብዛላ ቤት እስራኤል ከኣ ሰብ ከብዝሃላ እየ። ከተማታት ኪስፈር፣ ዑናታት ድማ ኪስራሕ እዩ።

Tools 11. ኣነ ኸኣ ኣባኻትኩም ሰብን እንስሳን ከብዝሕ እየ፣ ንሳቶም ድማ ኪባዝሑን ኪፋረዩን እዮም። ከምቲ ናይ ቀደምኩም መሓድር ክገብረኩም እየ፣ ካብቲ ናይ መጀመርታኹም ዝበለጸ ኸኣ ሰናይ ክገብረልኩም እየ። ኣነ እግዚኣብሄር ምዃነይውን ክትፈልጡ ኢኹም።

Tools 12. ንሰብ፣ ህዝበይ እስራኤል፣ ኣባኻትኩም ከመላልሶም እየ። ኪወርሱካ እዮም፣ ርስቶም ከኣ ክትከውን ኢካ፣ ድሕርዚውን ውሉድ ዜብሎም ኣይክትገብሮምን ኢኻ።

Tools 13. እግዚኣብሄር ኣምላኽ ከምዚ ይብል አሎ፣ ሰብ በሊዕኪ፣ ንህዝብኺ ኸኣ ውሉድ ዜብሉ ጌርክዮ ኢኺ፣ ይብሉኹም አለዉ እሞ፣

Tools 14. ስለዚ ድሕርዚ ሰብ ኣይክትበልዕን፣ ንህዝብኺውን ውሉድ ዜብሉ ኣይክትገብርዮን ኢኺ፣ ይብል እግዚኣብሄር ኣምላኽ።

Tools 15. ደጊምሲ ነውሪ ኣህዛብ ኣይክስምዓክን እየ፣ ልግጫ ህዝብታት ኣይክትጾርን፣ ድሕርዚውን ንህዝብኺ ኣይከተዐንቅፍዮምን ኢኺ፣ ይብል እግዚኣብሄር ኣምላኽ።

Tools 16. ከምዚ ዚብል ቃል እግዚኣብሄር ከኣ መጸኒ፣

Tools 17. ኣታ ወዲ ሰብ፣ ቤት እስራኤል ኣብ ሃገሮም ከለዉ፣ ብመገዶምን ግብሮምን የርክስዋ ነበሩ። መገዶም ኣብ ቅድመይ ከም ርኽሰት ጽግያት ሰበይቲ ነበረ።

Tools 18. ሽዑ ብሰሪ እቲ ኣብታ ሃገር ዝኸዓውዎ ደምን ብጣኦታቶም ከኣ ስለ ዘርከስዋን ኵራይ ከዖኹሎም።

Tools 19. ኣብ ማእከል ህዝብታት ዘሮኽዎም፣ ኣብ ሃገራት ከኣ ፋሕ በሉ፣ ኣነውን ከም መገዶምን ከም ግብሮምን ፈረድክዎም።

Tools 20. ብዛዕባኦም ከኣ እዚኣቶም ይኣይ ህዝቢ እግዚኣብሄር እዮም፣ ካብ ሃገሩ ወጺኦም፣ እናተባህለስ፣ ኣብ ዘዝኣተውዎም ኣህዛብ ምስ በጽሑ፣ ነቲ ቅዱስ ስመይ ኣርከስዎ።

Tools 21. ኣነ ግና ነቲ ቤት እስራኤል ኣብ ዘዝአተውዎም ህዝብታት ዘርከስዎ ቅዱስ ስመይ ነሐፍክዎ።

Tools 22. ስለዚ፣ እግዚኣብሄር ኣምላኽ ከምዚ ይብል አሎ፣ ኢልካ ንቤት እስራኤል ንገሮም፣ ኣቱም ቤት እስራኤል፣ እዚ ምእንቲ እቲ ኣብ ዘዝአተኽምዎም ህዝቢ ዘርከስኩምዎ ቅዱስ ስመይ እየ እምበር፣ ምእንታኹም ኣይኰንኩን ዝገብሮ ዘሎኹ።

Tools 23. ነቲ ኣብ ህዝብታት ዝረኸሰ፣ ኣብ ማእከሎም ዘርከስኩምዎ ዓብዪ ስመይ ክቕድሶ እየ። ኣብ ቅድሚ ኣዒንቶም ኣባኻትኩም ምስ ተቐደስኩ ኸኣ፣ እቶም ህዝብታት ኣነ እግዚኣብሄር ምዃነይ ኪፈልጡ እዮም፣ ይብል እግዚኣብሄር ኣምላኽ።

Tools 24. ካብ ህዝብታት ከምጽኣኩም፣ ካብ ኵሉ ሃገራት ከኣ ክኣኻኽበኩም እየ፣ ናብ ሃገርኩምውን ክመልሰኩም እየ።

Tools 25. ጽሩይ ማይ ክነጽገልኩም እየ እሞ ክትጸርይ ኢኹም። ካብ ኵሉ ርኽሰትኩምን ካብ ኵሎም ጣኦታትኩምን ከጽርየኩም እየ።

Tools 26. ሓድሽ ልቢ ድማ ክህበኩም፣ ሓድሽ መንፈስ ከኣ ከሕድረልኩም፣ ናይ እምኒ ልቢ ኻብ ስጋኹም ከውጽእ፣ ናይ ስጋ ልቢውን ክህበኩም እየ።

Tools 27. ንመንፈሰይ ኣብ ውሽጥኹም ከሕድሮ፣ ብትእዛዛተይ ከመላልሰኩም፣ ፍርደይ ከሐልወኩምን ክግብረክምን እየ።

Tools 28. ኣብታ ንቦታትኩም ዝሀብኩዋ ሃገር ክትነብሩ፣ ህዝቢ ኸኣ ክትኰኑኒ ኢኹም፣ ኣነውን ኣምላኽ ክዀነኩም እየ።

Tools 29. ካብ ኵሉ ርኽሰትኩም ከኣ ከናግፈኩም፣ ንእኽሊ ኽጽውዖን ከብዝሖን እየ፣ ድሕርዚውን ጥሜት ኣይከምጽኣልኩምን እየ።

Tools 30. ድሕርዚ ኣብ ማእከል ህዝብታት ጸርፊ ጥሜት ከይትጾሩስ፣ ፈር ኦምን ፍርያት ግራትን ከብዝሖ እየ።

Tools 31. ሽዑ ነቲ እኩይ መገድታትኩምን ነቲ ዘይሰናይ ተግባራትኩምን ክትዝክሩ፣ ብሰሪ ኣበሳኹምን ጽያፍኩምን ከኣ ንርእስኹም ክትፍንፍኑ ኢኹም።

Tools 32. ኣቱም ቤት እስራኤልሲ፣ እዚ ምእንታኹም ኢለ ኸም ዘይገብሮ፣ ኣባኻትኩም ይፈልጥ፣ ብሰሪ መገድታትኩም ሕፈሩን ነውሩን፣ ይብል እግዚኣብሄር ኣምላኽ።

Tools 33. እግዚኣብሄር ኣምላኽ ከምዚ ይብል አሎ፣ በታ ኣነ ንኣኻትኩም ካብ ኵሉ ኣበሳኹም ዘንጽሃላ መዓልቲ፣ ነተን ከተማታት ሰብ ከም ዚነብረን፣ እቲ ዑናታት ከኣ ከም ዚስራሕ ክገብሮ እየ።

Tools 34. እታ ዝባደመት ምድሪ፣ ኣብ ክንዲ እቲ ኣብ ቅድሚ ዓይኒ ዅሎም ሓለፍቲ መገዲ ባዲማቶ ዝነበረት፣ ክትሕፈስ እያ።

Tools 35. ሽዑ ኸኣ፣ እዛ ባዲማ ዝነበረት ምድሪ ኸም ገነት ኤደን ኰነት፣ እተን ዝባደማን ዝዓነዋን ዝፈረሳን ከተማታት ድማ እተዐርዳን፣ ሰብ ዚነብረለንን ኰና፣ ኪበሀል እዩ።

Tools 36. እቶም ኣብ ከባቢኹም ዝተረፉ ህዝብታት ከኣ ኣነ እግዚኣብሄር ነቲ ዝፈረሰ ኸም ዝሰራሕክዎ፣ ነቲ ዝበረሰውን ከም ዝተኸልክዎ ኺፈልጡ እዮም። ኣነ እግዚኣብሄር ተዛሪበ አሎኹ፣ ክገብሮ ድማ ኣየ።

Tools 37. እግዚኣብሄር ኣምላኽ ከኣ ከምዚ ይብል አሎ፡ ምስናይ እዚ፡ ንቤት እስራኤል እዚ ኽገብረሎምሲ ኽልመነሎም እየ። ነቶም ሰብ ከም መጓሴታት ኣባጊዕ ከብዝሖም እየ።

Tools 38. ከምተን ዝተቐደሳ መጓሰ፣ ከምተን መጓሰ የሩሳሌም ኣብቲ በዓላታ ኸምኡ እተን ዝባደማ ኸተማታት ብመጓሴታት ሰብ ኪመልኣ እየን። ኣነ እግዚኣብሄር ምዃነይ ከኣ ኪፈልጡ እዮም።