Tools 1. ከምዚ ዚብል ቃል እግዚኣብሄር ድማ መጸኒ፣

Tools 2. ስለምንታይ ኢኹም ኣብ ሃገር እስራኤል እዚ ምስላ እዚ፣ ኣቦታት መጺጽ ዘቢብ በልዑ እሞ ነስናን እቶም ውሉድ ኰኸወ፣ ኢልኩም እትምስሉ፡

Tools 3. ኣነ ህያው እየ፣ ይብል እግዚኣብሄር ኣምላኽ። እዚ ምስላ እዝስ ድሕርዚ ኣብ እስራኤል ኣይክትምስልዎን ኢኹም።

Tools 4. እንሆ፣ ኵለን ነፍሳት ናተይ እየን፣ ከምታ ነፍሲ እቲ ወላዲ ኸምኡውን ነፍሲ እቲ ውሉድ ናተይ እያ። እታ ሓጢኣት እትገብር ነፍሲ ንሳ ኽትመውት እያ።

Tools 5. ጻድቕ ሰብ እንተሎ፣ ቅንዕናን ጽድቅን ከኣ እንተ ገበረ፣

Tools 6. ኣብ ኣኽራን እንተ ዘይበልዔ፣ ኣዒንቱ ድማ ናብቶም ጣኦታት ቤት እስራኤል ቍሊሕ እንተ ዘይበላ፣ ሰበይቲ ብጻዩ እንተ ዝየራኸሰ፣ ኣብ ሰበይቲ ኸኣ ብጻግኒኣ እንተ ዘይቀረበ፣

Tools 7. ንሓደ እኳ እንተ ኣይገፍዔ፣ ንብዓል ዕዳ ታሕዚ እንተ መለሰሉ፣ ንሓደ እኳ እንተ ዘይዐመጸ፣ እንጌራኡ ንጥሙት እንተ ሀበ፣ ንዕሩቕ ከኣ ክዳን እንተ ኸደነ፣

Tools 8. እንተ ዘየኻዕበተን እንተ ዘየሕረጠን፣ ኢዱ ካብ ኦኣምጻ እንተ ኸልከለ፣ ኣብ መንጎ ሰባት ከኣ ቅንዕና እንተ ፈረደ፣

Tools 9. ብሕጋጋተይ እንተ ተመላለሰ፣ ጽድቂ እናገበረ ፍርደይ እንተ ሐለወ፣ ንሱ ጻድቕ እዩ፣ ብርግጽ ብህይወት ኪነብር እዩ፣ ይብል እግዚኣብሄር ኣምላኽ።

Tools 10. ግናኸ ንሱ ዓማጺ፡ ከዓው ደም፡ ካብዚ ነገር እዚ ኸኣ ሓደ ግዛዕ ዚገብር ውሉድ እንተ ወለደ፡

Tools 11. እዚ ዅሉ ዘይገብር፣ ኣብ ኣኽራን ዚበልዕ፣ ሰበይቲ ብጻዩ ዜርክስ፣

Tools 12. ንነዳይ ንድኻን ዚገፍዕ፣ መንዚዑ ዚወስድ፣ ታሕዚ ዘይመልስ፣ ኣዒንቱ ናብ ጣኦታት ዝቘላሕታኤን፣ ፍንፉን ነገር ዚገብር፣

Tools 13. ዜኻዕብትን ዜሕርጥንሲ፣ ንሱዶ ብህይወት ኪነብር እዩ፡ ያእ፣ ንሱ ኣይኪነብርን እዩ። እዚ ዅሉ ፍንፉን ነገር እዚ ገይሩ እዩ እሞ፣ ሞት ኪመውት ደሙ ኸኣ ኣብ ርእሲ ከኸውን እዩ።

Tools 14. እንሆ ኸኣ፣ ንሱ ውሉድ እንተ ወለደ፣ እሞ ኣቦኡ ዝገበሮ ኵሉ ሓጢኣት ኪርእን ዚፈርህን ከምኡ ዝበለውን ዘይገብር፣

Tools 15. ኣብ ኣኽራን ዘይበልዕ፣ ኣዒንቱ ድማ ናብ ጣኦታት ቤት እስራኤል ቍሊሕ ዘየብል፣ ሰበይቲ ብጻዩ ዘየርክስ፣

Tools 16. ንሓደ እኳ ዘይገፍዕ፣ ታሕዚ ዘይሕዝ፣ መንዚዑ ዘይወስድ፣ እንጌራኡ ንጥሙይ ዜብልዕ፣ ንዕሩቕውን ክዳን ዚኸድን፣

Tools 17. ንድኻ ኸይገፍዕ ኢዱ ዚመልስ፣ ሓረጣን ካዕበትን ዘይወስድ፣ ፍርደይ ዚገብር፣ ብሕገይ ዚመላለስ፣ ንሱ ብህይወት ኪነብር እዩ እምበር፣ ብሰሪ ኣበሳ ኣቦኡ ኣይኪመውትን እዩ።

Tools 18. ኣቦኡ ዓመጸኛ ስለ ዝነበረ፣ ንሓዉ መንዚዑ ስለ ዝጐድኤ፣ ኣብ ማእከል ህዝቡ ኸኣ ሰናይ ዘይኰነ ስለ ዝገበረ፣ እንሆ፣ ብኣበሳኡ ኺመውት እዩ።

Tools 19. ንስኻትኩምሲ፣ ስለምንታይ እዩ እቲ ወድስ ኣበሳ ኣቦኡ ዘይጸውር፡ ትብሉ አሎኹም። እቲ ወዲ፡ ቅንዕናን ጽድቅን ገይሩ ንዅሉ ሕጋጋተይ ሐልይዎን ገይርዎን እዩ እሞ፡ ብርግጽ ብህይወት ኪነብር እዩ።

Tools 20. እታ ሓጢኣት እትገብር ነፍሲ እያ እትመውት። ውሉድ ኣበሳ ወላዲኡ ኣይኪጸውርን፡ ወላዲ ኣበሳ ውሉዱ ኣይክጸውርን እዩ። ጽድቂ እቲ ጻድቕ ኣብ ርእሱ ኪኸውን እዩ።

Tools 21. ግናኸ እቲ ረሲእ ካብቲ ዝገበሮ ዅሉ ሓጢኣት እንተ ተመለሰ፣ ኵሉ ሕጋጋተይ ከኣ እንተ ሐለወ፣ ቅንዕናን ጽድቅን ድማ እንተ ገበረ፣ ንሱ ብርግጽ ብህይወት ኪነብር፣ ኣይኪመውትን ከኣ እዩ።

Tools 22. ካብቲ ዝገሀሶ ምግሃስሲ ሓንቲ እኳ ኣይክትዝከረሉን፣ በቲ ዝገበሮ ጽድቂ ብህይወት ኪነብር እዩ።

Tools 23. ንሞት ረሲእዶ እፈቱ እየ፡ ፍታወይሲ ካብ መገዱ ኺምለስ፣ ብህይወት ከኣ ኪነብርዶ ግዳ ኣይኰነን፡ ይብል እግዚኣብሄር ኣምላኽ።

Tools 24. እቲ ጻድቕከ ኻብ ጽድቁ እንተ ተመልሰ፣ እንተ ኣበሳ እሞ ከምቲ ረሲእ ዚገብሮ ዅሉ ፍንፉን ነገር እንተ ገበረስ፣ ብህይወትዶ ኺነብር እዩ፡ ካብቲ ዝገበሮ ጽድቂ ሓንቲ እኳ ኣይክትዝከርን እያ። በቲ ዝጠለሞ ጥልመት በቲ ዝገበሮ ሓጢኣትን ኪመውት እዩ።

Tools 25. ንስኻትኩም ግና፣ መገዲ እግዚኣብሄር ቅኑዕ ኣይክኰነን፣ ትብሉ አሎኹም። እምብኣርሲ፣ ኣቱም ቤት እስራኤል፣ ስምዑ፣ ካንዶ መገደይ እዩ ዘይቅኑዕ፡ ዘይቅኑዕሲ መገድታትኩምዶ ግዳ ኣይኰነን፡

Tools 26. ጻድቕ ካብ ጽድቁ እንተ ተመልሰ እሞ፣ እንተ ኣበሳ ብእኡ ኸኣ እንተ ሞተ ብሰሪ እቲ ዝገበሮ ኣበሳኡ እዩ ዚመውት።

Tools 27. ግናኸ እቲ ረሲእ ካብቲ ዝገበሮ ረሲእነቱ እንተ ተመልሰ፣ ቅንዕናን ጽድቅን ከኣ እንተ ገበረ፣ ንሱ ንነፍሱ ብህይወት ኬንብራ እዩ።

Tools 28. ካብ ኵሉ እቲ ዝገበሮ ግህሰቱ ኣስተንቲኑ ስለ እተመልሰ፣ ንሱ ርግጽ ብህይወት ኪነብር፣ ኣይኪመውትን እዩ።

Tools 29. ግናኸ ቤት እስራኤልሲ፣ መገዲ እግዚኣብሄር ኣይቅኑዕን እዩል ይብሉ አለዉ። ኣቱም ቤት እስራኤል፣ ክናዶ መገድታተይ እዩ ዘይቅኑዕ፡ ዘይቅኑዕሲ መገድታትኩምዶ ግዳ ኣይኰነን፡

Tools 30. ስለዚ፣ ኣቱም ቤት እስራኤል፣ ንነፍሲ ወከፍ ከከም መገድኹም ክፈርደኩም እየ፣ ይብል እግዚኣብሄር ኣምላኽ። ተመለሱ፣ ኣበሳኹም መዓንቀፊ ኸይኰነኩምሲ፣ ካብ ኵሉ ግህሰትኩም ተመለሱ።

Tools 31. ነቲ ዝገሀስኩምዎ ግህሰት ካባኹም ደርብዩ፣ ሓድሽ ልብን ሓድሽ መንፈስን ድማ ግበሩ። ኣቱም ቤት እስራኤል፣ ስለምንታይ እትሞቱ፡

Tools 32. ኣነስ ሞት ኣደ እኳ ኣይፈቱን እየ እሞ፣ ተመለሱ ብህይወት ከኣ ንበሩ፣ ይብል እግዚኣብሄር ኣምላኽ።