Tools 1. ብዛዕባ ደቂ ዓሞን። እስራኤልዶ ውሉድ የብሉን እዩ፧ ወይስ ወራሲዶ የብሉን እዩ፧ ስለምንታይ ደኣ እቲ ንጉሶም ንጋድ ዚርስተያ፡ ህዝቡ ኸኣ ኣብ ከተማታት ዚሰፍር፧ ይብል እግዚኣብሄር።

Tools 2. ስለዚ እንሆ፡ እተን ጭድርታ ውግእ ኣብ ልዕሊ ራባህ ናይ ደቂ ዓሞን ዘስምዓለን መዓልትታት ኪመጻ እየን፡ ይብል እግዚኣብሄር። ንሳ ዂምራ ድብነት ክትከውን፡ እተን ኣዋልዳ ኸኣ ብሓዊ ሞዂ ኪብላ እየን። ሽዑ ኸኣ እስራኤል ነቶም ወሪሶምዋ ዝነበሩ ኽትወርሶም እያ፡ ይብል እግዚኣብሄር።

Tools 3. ኣቲ ሔስቦን፡ ዓይ ፈሪሳ እያ እሞ፡ ኣእውዪ። ኣትን ኣዋልድ ራባህ፡ ከሊ ተዐጠቓ፡ ዋይዋይ በላ። ንጉሶም ምስ ካህናቱን መሳፍንቱን ሐቢሩ ኺማረኽ እዩ እሞ፡ ኣብቲ መካበብያ እናዘርክን ኣልቅሳ።

Tools 4. ኣቲ፡ መን እዩ ዚመጸኒ፧ ኢልኪ ብመዝገብኪ ተኣሚንኪ ዘሎኺ ጠላሚት ጓል፡ ስለምንታይ በተን ለሴታትኪ እትሕበኒ፧ እቲ ለሴኺ ኺድምሰስ እዩ።

Tools 5. እንሆ፡ ካብ ኲሉ ኸባቢኺ ፍርሃት ከምጽኣልኪ እየ፡ ንስኻትኩም ድማ ነፍሲ ወከፍኩም ኣብ ኲሉ ወገን ክትሰጐጉ ኢኹም፡ ነቶም ህዱማት ከኣ ዚኣኻኽቦም የልቦን፡ ይብል እግዚኣብሄር ጐይታ ሰራዊት።

Tools 6. ድሕርዚ ግና ንደቂ ዓሞን ካብ ምርኮ ኽመልሶም እየ፡ ይብል እግዚኣብሄር።

Tools 7. ብዛዕባ ኤዶም። እግዚኣብሄር ጐይታ ሰራዊት ከምዚ ይብል አሎ፡ ጥበብዶ ኣብ ቴማን የልቦን፧ ምኽሪዶ ኻብቶም ሰብ ኣእምሮ ጠፍኤት፧ ጥበቦምዶ ኸንቱ ዀነት፧

Tools 8. ኣቱም ኣብ ዴዳን እትነብሩ፡ በታ ጊዜ ቕጽዓቱ መዓት ኤሳው ናብኡ ኸውርዶ እየ እሞ፡ ህደሙ፡ ተመለሱ፡ ኣዕሚቚኩም ተሐብኡ።

Tools 9. በተኽቲ ዘቢብ እንተ ዚመጹኻ፡ ዘለላ ዘቢብዶ ኣይምሐደጉልካን፧ ሰረቕቲ ብለይቲ እንተ መጹ፡ ክሳዕ ዝደለዩ ይጽይቑ።

Tools 10. ኣነ ግና ንኤሳው ቀሊዔዮ፡ መሕብኢኡ ድማ ገሊጸዮ እየ፡ ኪሕባእ ከኣ ኣይኰነሉን። ዘርኡን ኣሕዋቱን ጐረባብቱን ኪጸንቱ እዮም፡ ንሱውን ድሕርዚ ኣይኪህሉን እዩ።

Tools 11. ንዘኽታማትካ ሕደጎም፡ ኣነ ብህይወት ከንብሮም እየ፡ መበላሉኻ ኸኣ ኣባይ ይወከላ።

Tools 12. እምበኣርሲ እንሆ፡ እቶም ነታ ጽዋእ ኪሰትዩ ዘይተመዘዙ ኺሰትይዋ እዮም። ንስኻስ ካንዶ ኸይተቐጻዕካ ኽትተርፍ ኢኻ፧ ብርግጽ ክትሰትያ ኢኻ እምበር፡ ከይተቐጻዕካስ ኣይክትተርፍን ኢኻ፧ ይብል እግዚኣብሄር።

Tools 13. ቦጽራ ኸኣ ድብነትን መጻረፍን በረኻን መራገምን ከም እትኸውን፡ ኲለን ከተማታት ድማ ንሓዋሩ በረኻ ኸም ዚዀና፡ ብርእሰይ እምሕል አሎኹ፡ ይብል እግዚኣብሄር።

Tools 14-15. ካብ እግዚኣብሄር ኣዋጅ ሰማዕኩ፡ ከምዚ ዚብል ልኡኽ ከኣ ኣብ ማእከል ህዝብታት ተላእከ፡ እንሆ፡ ኣብ ማእከል ህዝብታት ኣንኢሰካ፡ ኣብ ማእከል ሰብ ከኣ ኣንዒቐኻ እየ እሞ፡ ተኣከቡ፡ ተንስእዋን ንውግእ ተዐጠቑን።

Tools 16. ኣቲ ኣብ ምንቃዕ ኣጻድፍ እትነብሪ፡ ርእሲ ዂድዂዶ እትሕዚ፡ ድፍረትክን ኲርዓት ልብኽን ጠበረኪ። ከም ንስሪ እኳ ቤትኪ ኣብ በሪኽ እንተ ሰራሕኪ፡ ኣነ ኻብኡ ኸጽድፈኪ እየ፡ ይብል እግዚኣብሄር።

Tools 17. ኤዶም ንመሰክሒ ኽትከውን እያ። ነፍሲ ወከፍ ብእኣ ዚሐልፍ ድማ በቲ ዂሉ ስቓያ ኺስክሓላን ኪፋጽየላን እዩ።

Tools 18. ከምቲ ሶዶምን ጎሞራን ኣብ ጥቓኤን ዝነበራ ኸተማታትን እተገልበጣ፡ ከምኡ ኣብኣ ሰብ ኣይኪነብርን፡ ኣብኣውን ውሉድ ሰብ ሓደ እኳ ኣይኪሰፍርን እዩ፡ ይብል እግዚኣብሄር።

Tools 19. እንሆ፡ ንሱ ኻብ ትዕቢት ዮርዳኖስ ናብቲ ጽኑዕ መሳፍሮ ኸም ኣንበሳ ይድይብ አሎ፡ ብኡ ብኡ ኸኣ ካብኣ ኽሰጎ እየ፡ ነቲ እተሐርየ ድማ ኣብ ልዕሊኣ ኽሸሞ እየ። ዚመዓራረየኒ መን እዩ፧ ቈጸራ ዚገብረለይከ መን እዩ፧ እቲ ኣብ ቅድመይ ዚቐውም ጓሳስ መን እዩ፧

Tools 20. ስለዚ እግዚኣብሄር ንኤዶም ዝመደበላ ምኽርን፡ ነቶም ኣብ ቴማን ዚነብሩ ሰባት ዝሐሰባ ሓሳብን ስምዑ፡ ብርግጽ ነቶም ናይ መጓሰ ናእሽቱ እኳ ኸይተረፈ ኺጓትትዎም እዮም፡ ብርግጽ ሰፈሮም ኪፈርስ እዩ።

Tools 21. በቲ ሀው ዝበል ደሃይ አወዳድቓኣ ድምሪ ተንቀጥቅጥ፡ ጭራሕምራሖም ድማ ክሳዕ ባሕሪ ኤርትራ ይስማዕ አሎ።

Tools 22. እንሆ፡ ከም ንስሪ ኺድይብ፡ ኪነፍር፡ ኣኽናፉ ድማ ኣብ ልዕሊ ቦጽራ ኺዝርግሕ እዩ። በታ መዓልቲ እቲኣ ኸኣ ልቢ እቶም ጀጋኑ ኤዶም ከም ልቢ ቅልውላው ዝሓዛ ሰበይቲ ኪኸውን እዩ።

Tools 23. ብዛዕባ ደማስቆ። ሃማትን ኣርጳድን ሐፈራ፡ ክፉእ ወረ ሰሚዔን እየን እሞ፡ መኸኻ። ኣብ ባሕሪ ምሽባር ኰነ፡ ኪሀድኣውን ኣይተኻእሎን።

Tools 24. ደማስቆ ዛሕተለት፡ ክትሀድም ኢላ ግልብጥ በለት፡ ራዕራዕውን በለት፡ ከም እትወልድ ሰበይቲ ጭንቅን ጻዕርን ሐዛ።

Tools 25. እታ ንእድቲ ኸተማ፡ እታ ኸተማ ሓጐሰይ፡ ከመይ ኢላ እያ ዘይተሐድገት፧

Tools 26. ስለዚ እቶም ኣባጽሓ ኣብ ኣደባባያታ ኺወድቁ፡ ኲሎም እቶም ተዋጋእቲ ሰብኡታ ድማ በታ መዓልቲ እቲኣ ኺጠፍኡ እዮም፡ ይብል እግዚኣብሄር ጐይታ ሰራዊት።

Tools 27. ኣብቲ መካበብያ ደማስቆ ሓዊ ኸንድድ እየ፡ ንሱውን ነቲ ኣዳራሽ ቤት-ሃዳድ ሞዂ ኬብሎ እዩ።

Tools 28. ብዛዕባ ቄዳርን ብዛዕባ እቶም ነቡካድነጻር ንጉስ ባቢሎን ዝሰዐሮም መንግስትታት ሃጾርን። እግዚኣብሄር ከምዚ ይብል አሎ፡ ተለዐሉ፡ ናብ ቄዳር ደይቡ፡ ነቶም ደቂ ምብራቕ ኣጥፍኡ።

Tools 29. ድንኳናቶምን መጓሴታቶምን ኪወስዱ፡ ምንጻፋቶምን ኲሉ ኣቓሑኦምን ኣግማሎምን ኪዘምቱ እዮም። ኣብ ኲሉ ወገን ምሽባር አሎ፡ እናበሉ ኪጭድሩሎም እዮም።

Tools 30. ኣቱም ኣብ ሃጾር እትነብሩ፡ ነቡካድነጻር ንጉስ ባቢሎን ምኽሪ መዲቡልኩም፡ ህቃነ ሀቂኑልኩም አሎ እሞ፡ ህደሙ፡ ቀልጢፍኩም ርሐቑ፡ ኣዕሚቚኩም ተሐብኡ፡ ይብል እግዚኣብሄር።

Tools 31. ነቲ ጥዒምዎም ሀዲኡን ዚነብር፡ መዓጹን መሸጐርን ዜብሉ፡ ብሒቱ ዚነብር ህዝቢ ተልዐልዎን ደይብዎን፡ ይብል እግዚኣብሄር።

Tools 32. ኣግማሎም ዘመተ ኪዀና፡ ብዝሒ ኸብቶም ከኣ ምርኮ ኪኸውን እዩ። ንዂሎም እቶም ወሰነወሰን ጭሕሞም ዚላጽዩ ኣብ ኲለን ንፋሳት ክብትኖም፡ ካብ ኲሉ ወገኖም ድማ መዓት ከምጽኣሎም እዩ፡ ይብል እግዚኣብሄር።

Tools 33. ሃጾር መሳፍሮ ወኻሩ ኽትከውን፡ ንሓዋሩ ኽትባድም እያ፡ ኣብኣ ሰብ ኣይኪነብርን፡ ኣብኣውን ውሉድ ሰብ ሓደ እኳ ኣይኪሰፍርን እዩ።

Tools 34. እቲ ኣብቲ መጀመርታ መንግስቲ ጼድቅያስ ንጉስ ይሁዳ ብዛዕባ ዔላም ናብ ነብዪ ኤርምያስ ዝመጸ ቓል እግዚኣብሄር እዚ እዩ፡

Tools 35. እግዚኣብሄር ጐይታ ሰራዊት ከምዚ ይብል አሎ፡ እንሆ፡ ነቲ ኣውራ ሓይሉ ዝዀነ ቐስቲ ዔላም ክሰብሮ እየ።

Tools 36. ንዔላም ካብ ኣርባዕተ ወሰን ሰማይ ኣርባዕተ ንፋሳት ከውርደላ እየ፡ ናብ ኲለን እዘን ንፋሳት ክዘርዎም እየ። ህዱማት ዔላም ዘይኣትውዎ ህዝቢ ኣይኪህሉን እዩ።

Tools 37. ንዔላም ኣብ ቅድሚ ጸላእቶምን ኣብ ቅድሚ እቶም ነፍሶም ዚደልዩን ከርዕዶም፡ መዓት እቲ ጓህሪ ቚጥዓይ ከውርደሎም፡ ክሳዕ ዘጥፍኦም ከኣ ደድሕሪኦም ሰይፊ ኽሰድድ እየ፡ ይብል እግዚኣብሄር።

Tools 38. ዝፋነይ ከኣ ኣብ ዔላም ክተክል፡ ንጉስን መሳፍንትን ድማ ካብአ ኸጥፍእ እየ፡ ይብል እግዚኣብሄር

Tools 39. ኣብተን ዳሕሮት መዓልትታት ግና ኪኸውን እዩ፡ ንምርኮ ዔላም ክመልሶ እየ። ይብል እግዚኣብሄር።