ኩሉ ታዕዲልክን

እንተ ሰራሕክን መን ኣሎ ከማክን
እንተመከርክን ትመልሳ ንስክን
ብፍቅሪ ትሕዛ ሰብእትክን
ምኽርን ጥበብን ዝታዓደልክን
እዚ ኣምላክ ኩሉ ዓዲልክን

ንሓያል ተርዕማ ንስክን
ልቢ ንጉስ ዘምክኽ ግርማክን
ምክሪ ሃማን ዝግልብጥ ሓይልኽን
ናይ ጥበብ ጠቢባብን ዝተዓደልኽን
ደቂ ኣስቴር እንበር ኢክን
ደቂ ሳራ ውላድ ተስፋ እንበር ኢክን
ምሉእ ምጎስን ጥበብን ዝታዓደልክን
ጎይታ ባሪኽዎ ዝረከበ ንዓኽን

ቁጥዐ ንጉስ ዘዝሕል ጥበብክን
ሞሳኹቲ ሰማይ ዝኸፍት ብርክኽን
ደቂ ኣቢጋይል እንበር ኢኽን
ደቂ ሃና እንበር ኢኽን
ዝታዓጽወ ዝኸፍት ጾሎትክን
ጎይታ ዝባረኾ ዝረከበ ንዓኽን

እዛ ማህጸንክን ትወልድ ዘመርቲ ገጠምቲ
ፓስተራትን ተውጽእ መገብቲ ኣለይቲ
ፕረሲደንቲ ትወልዳ ንሃገር መራሕቲ
መማህራን ትወልዳ ማሃርቲ ቀየስቲ
ክንደይ ታዓዲላ እዛ ማህጸንልን ጽብቅቲ
ኣምላኽ ሂብክን ውቅብቲ ስልምቲ


ኣንታ ክንደይ ታዓዲሉ እዚ ብዓል ቤትክን
ምልኩዓት ጉሩማ ትወልዳ ንስክን
ለዋሃት ፈቃራት ተውጽእ ማህጸንክን
ጎይታ ባሪክዎ ዝረከበ ንዓክን

ኣየወ ክጽብቅ እቲ ውሽጥክን
ብፍቅሪ ብሓልዮት ተዕብይእ ደቕኽን
ብጥበብን ብቀስታ ትመልሳ ሶብእትክን
ዕድለኛ ኢዩ ዝረኸበ ንዓኽን
ተምሳል ጽገረዳ ዝጉላዕልዕ መልክዕክን
ሙዝ ጨና ዝሽትት ሃፋክን
ላዛ ፍቅሪ ዝታዓደልክን
ጻሓይ እካ ዘይትበርህ ክንዳክን

ልቢ ሰባኣይ ዝምክኽ ፍሽክታክን
ቀመም ህይወት እንበር ኢክን
ጸልማት ናብራ እንዳሉ ብዘይካክን
ታዓዲልና እንቃዕ ናትና ኮንክን

ሴጣን ይፈልጦ እቲ ሓይልክን
ጎይታ እውን ይፈልጦ እቲ ጽንዓትክን
ትሕት ኢልክን ከተገልግላ ኮለክን
ኣየወ ብፍቅሪ ክትጎያ ኮለክን
ኣቤት ጎይታ ዝሕጎስ ብኣኽን
እግዚኣብሄር ይባረክ ዝዓደለና ንዓክን