Tools 1. ንነገድ ምናሴ ድማ፡ በዅሪ ዮሴፍ እዩ እሞ፡ ዕጩ እዚ እዩ፡ ማኪር፡ በዅሪ ምናሴ ኣቦ ጊልዓድ፡ ተዋጊኢ ሰብኣይ ነበረ እሞ፡ ጊልዓድን ባሳንን ንእኡ ዀና።

Tools 2. ነቶም ዝተረፋ ደቂ ምናሴ ድማ ከከም ዓሌቶም ዕጭ በጽሖም፡ ንደቂ ኣቢዔዘርን ንደቂ ሔለቅን ንደቂ ኣስሪኤልን ንደቂ ሴኬምን ንደቂ ሔፈርን ንደቂ ሸሚዳን፡ ተባዕትዮ ደቂ ምናሴ ወዲ ዮሴፍ፡ ከከም ዓሌቶም እዚኣቶም እዮም።

Tools 3. ግናኸ ጸሎፈሓድ፡ ወዲ ሔፈር ወዲ ጊልዓድ ወዲ ማኪር ወዲ ምናሴ፡ ኣዋልድ ጥራይ እምበር፡ ኣወዳት ኣይነበርዎን፡ ስም እተን ኣዋልዱ ከኣ እዚ እይ፡ ማሕላ፡ ኖዓ፡ ሖግላ፡ ሚልካ፡ ቲርጻ።

Tools 4. ኣብ ቅድሚ ኻህን ኣልኣዛርን ኣብ ቅድሚ እያሱ ወዲ ነዌን ኣብ ቅድሚ ሹማምትን ቀሪበን፡ እግዚኣብሄር ንሙሴ ኣብ ማእከል ኣሕዋትና ርስቲ ኺህበና ኣዚዝዎ እዩ፡ በላ። ከምቲ ትእዛዝ እግዚኣብሄር ከኣ ኣብ ማእከል ሓወቦታተን ርስቲ ሀበን።

Tools 5-6. እተን ኣዋልድ ምናሴ ኣብ ማእከል እቶም ደቁ ርስቲ ስለ ዝወረሳ፡ ንምናሴ ብዘይ እታ ኣብ ስግር ዮርዳኖስ ዘላ ምድሪ ጊልዓድን ባሳንን፡ ዓሰርተ ዕጭ ወደቐሉ። ምድሪ ጊልዓድ ከኣ ነቶም ዝተረፉ ደቂ ምናሴ ዀነት።

Tools 7. ዶብ ምናሴ ድማ ካብ ኣሴር ናብታ ኣብ መንጽር ሴኬም ዘላ ሚክሜታት ኰነ። እቲ ዶብ ከኣ ንየማን ኣቢሉ ናብቶም ኣብ ዔን-ታጱኣ ዚነብሩ ይሐልፍ።

Tools 8. ምድሪ ታጱኣ ንምናሴ ዀነት፡ እታ ኣብ ዶብ ምናሴ ዘላ ታጱኣ ግና ንደቂ ኤፍሬም ኰነት።

Tools 9. እቲ ዶብ ከኣ ናብ ርባ ቃና ብደቡብ እቲ ርባ ይወርድ። እዘን ከተማታት እዚኤን፡ ኣብ ማእከል ከተማታት ምናሴ ኽነሰን፡ ንኤፍሬም ኰና፡ ዶብ ምናሴ ድማ ብሰሜን እቲ ርባ እዩ፡ ናብ ባሕሪ ኣቢሉ ኸኣ ይወጽእ።

Tools 10. ደቡብ ንኤፍሬም፡ ሰሜን ድማ ንምናሴ ዀነ፡ ዶቡ ኸኣ ባሕሪ እዩ። ብሰሜን ናብ ኣሴር ብምብራቕ ከኣ ናብ ይሳኮር ይበጽሕ።

Tools 11. ድማ ኣብ ይሳኮርን ኣብ ኣሴርን፡ ቤት-ሸኣንን ዓድታታን፡ ዪብልዓምን ዓድታታን ድማ፡ ኣብ ዶር ዚነብሩን ዓድታታን፡ ኣብ ዔንዶር ዚነብሩን ዓድታታን፡ ኣብ ታዓናክ ዚነብሩን ዓድታትን፡ ኣብ መጊዶ ዚነብሩን ዓድታትን፡ ሰለስቲኤን በረኽቲ ንምናሴ ዀኖ።

Tools 12. ግናኸ ደቂ ምናሴ ንሰብ እዘን ከተማታት እዚኤን ኬውጽእዎም ኣይከአሉን እሞ፡ ከነኣናውያን ኣብታ ሃገር ኪቕመጡ ቘረጹ።

Tools 13. ኰነ ኸኣ፡ ደቂ እስራኤል ምስ ሐየሉ፡ ነቶም ከነኣናውያን ኣገበርዎም እምበር፡ ኣይሰጐጕዎምን።

Tools 14. ደቂ ዮሴፍ ድማ ንእያሱ፡ ብዙሕ ህዝቢ ኽሳዕ ዝኸውን እግዚኣብሄር ክሳዕ ክንድዚ ባሪኹኒ ኸሎስ፡ ስለምንታይ ኢኻ ሓደ ዕጭን ሓደ ኽፍልን ጥራይ ርስቲ ዝሀብካኒ፧ ኢሎም ተዛረብዎ።

Tools 15. እያሱ ኸኣ፡ ብዙሕ ህዝቢ እንተ ዄንካ እሞ ከረን ኤፍሬም እንተ ደኣ ጸበባካ፡ ኣብ ምድሪ ፈረዛውያንን ረፋይምን ናብ ዘሎ ዱር ደይብ፡ ኣብኡ ኸኣ ንኣኻ ልበድ፡ በሎም።

Tools 16. ደቂ ዮሴፍ ድማ፡ እቲ ኸረን ኣይኣኽለናን፡ እቶም ኣብ ምድሪ ለሰ ዚነብሩ ኸነኣናውያን፡ እቶም ኣብ ቤት-ሸአንን ኣብ ዓድታታን ዚነብሩ ዀነ፡ ኣብ ለሰ ይዝርኤል ዚነብሩ ዀነ፡ ኵላቶም ሰረገላታት ሓጺን አለዎም፡ በሉ።

Tools 17. እያሱ ኸኣ ንቤት ዮሴፍ፡ ንኤፍሬምን ንምናሴን፡ ንስኻ ብዙሕ ህዝቢ ኢኻ፡ ዓብዪ ሓይሊውን አሎካ፡ ሓደ ጥራይ ኣይኹነልካ፡

Tools 18. እቲ ኸረን ድማ ንኣኻ ይኹን፡ ዱር ክነሱ፡ ልበዶ እሞ ብዘሎ ናትካ ኪኸውን እዩ። ነቶም ከነኣናውያን ከኣ፡ ሰረገላ ሓጺን እኳ እንተለዎም ሓያላትውን እንተ ዀኑ፡ ከተውጽኦም ኢኻ፡ ኢሉ ተዛረቦም።