Tools 1. ንነገድ ደቂ ይሁዳ ኸከም ዓሌቶም፡ ክሳዕ ዶብ ኤዶም፡ ናብ ወገን ደቡብ ዜብል በረኻ ሲን፡ ክሳዕ ወሰን ደቡብ ዕጭ በጽሖም።

Tools 2. እቲ ናይ ደቡብ ዶቦም ድማ ካብ ወሰን ባሕሪ ጨው፡ ካብቲ ንደቡብ ዜብል ልሳን ነበረ፡

Tools 3. ንዓቐበት ዓቅራቢም ናብ ደቡቡ ወጺኡ፡ ንሲን ከኣ ሐሊፉ፡ ንቃዴስ-ባርኔዓ ብደቡባ ደዪቡ፡ ንሔጽሮን ሐሊፉ ድማ ንኣዳር ይድይብ ናብ ቃርቃዓ ኣቢሉ ከኣ ይዘውር።

Tools 4. ንዓጽሞን ኣቢሉ ድማ ይሐልፍ፡ ናብ ርባ ግብጺ ይወጽእ። እቲ ዶብ ከኣ ናብ ባሕሪ ይወጽእ። ናይ ደቡብ ዶብኩም እዚ ይኹን።

Tools 5. ናይ ምብራቕ ዶብ ድማ ባሕሪ ጨው ክሳዕ መወዳእታ ዮርዳኖስ እዩ፡ ናይ ሸነኽ ሰሜን ዶብ ድማ ካብ ልሳን ባሕሪ ኣብ መወዳእታ ዮርዳኖስ እዩ።

Tools 6. እቲ ዶብ ከኣ ንቤት-ሖግላ ይድይብ እሞ ብሰሜን ቤት-ዓራባ ይሓልፍ፡ እቲ ዶብ ድማ ናብ እምኒ ቦሃን ወዲ ሮቤል ይድይብ።

Tools 7. እቲ ዶብ ከኣ ካብ ለሰ ዓኰር ናብ ደቢር ይድይብ፡ ከምኡ ኸኣ ናብ ሴሜን፡ ንጊልጋል ኣቢሉውን ይጥምት፡ ንሱ ኸኣ ኣብ መንጽር እቲ ኣብ ሸነኽ ደቡቡ ነቲ ርባ ዘሎ ዓቐበት ኣዱሚም እዩ፡ እቲ ዶብ ድማ ንማይ ዔን-ሸመሽ ይሐልፍ፡ ናብ ዔን-ሮጌል ይወጽእ።

Tools 8. እቲ ዶብውን በቲ ለሰ ወዲ ሂኖም ገይሩ፡ ናብ ጸግዒ ደቡብ እታ ይቡሳዊ፡ ንሳ ኸኣ የሩሳሌም፡ ይድይብ። እቲ ዶብ ድማ ናብ ሸነኽ ምዕራብ፡ ኣብ ሴሜናይ ወሰን ለሰ ረፋይም ናብ ርእሲ እቲ ኣብ ቅድሚ ለሰ ሂኖም ዘሎ ኸረን ይድይብ።

Tools 9. ካብ ርእሲ እቲ ኸረን ከኣ እቲ ዶብ ናብ ዓይኒ ማይ ነፍቶኣ ይሐልፍ፡ ናብ ከተማታት ከረን ዔፍሮንውን ይወጽእ፡ እቲ ዶብ ከኣ ናብ በዓላ፡ ንሳ ቂርያት-የዓሪም፡ ይዘውር።

Tools 10. ካብ በዓላ ንምዕራብ ድማ እቲ ዶብ ንኸረን ሰዒር ይዘውር፡ ናብ ሰሜናይ ጸግዒ ኸረን የዓሪም ከኣ ይሐልፍ፡ ንሱ ኽሳሎን እዩ፡ ንቤት-ሸመሽ ወሪዱ ድማ ናብ ቲምና ይሐልፍ።

Tools 11. እቲ ዶብ ከኣ ብሰሜን ጸግዒ ዔቅሮን ይወጽእ። እቲ ዶብውን ናብ ሺክሮን ኣቢሉ ይዘውር፡ ብኸረን በዓላ ድማ ይሐልፍ፡ ናብ ያብንኤል ይወጽእ፡ እቲ ዶብ ከኣ ናብ ባሕሪ ይወጽእ።

Tools 12. እቲ ናይ ምዕራብ ዶብ ድማ ዓብዪ ባሕርን ዶቡን እዩ። ዶብ ደቂ ይሁዳ ከከም ዓሌቶም ብዙርያኡ እዚ እዩ።

Tools 13. ንካሌብ ወዲ የፋነ ድማ፡ ከምቲ እግዚኣብሄር ንእያሱ ዝአዘዞ፡ ኣብ ማእከል ደቂ ይሁዳ ግደ ሀቦ፡ ቂርያት- ኣርባ፡ ኣቦ ዓናቅ፡ ንሳ ኬብሮን እያ።

Tools 14. ካሌብ ድማ ንሰለስቲኦም ደቂ ዓናቅ፡ ንሸሻይን ንኣሂማንን ንታልማይን፡ ወለዶ ዓናቅ ካብኣ ኣውጽኦም

Tools 15. ካብኣ ናብቶም ኣብ ደቢር ዜነብሩ ደየበ። ስም ደቢር ከኣ ቀደም ቂርያት-ሴፈር ነበረ።

Tools 16. ካሌብ ድማ፡ ነቲ ንቂርያት-ሴፈር ተዋጊኡ ዝሐዛ፡ ዓክሳ ጓለይ ሰበይቲ ኽትኰኖ ኽህቦ እየ፡ በለ።

Tools 17. ሽዑ ዖትኒኤል፡ ወዲ ቄናዝ ሓው ካሌብ፡ ሓዛ እሞ ዓክሳ ጓሉ ሰበይቲ ኽትኰኖ ሀቦ።

Tools 18. ኰነ ኸኣ፡ ምስ መጸት፡ ካብ ኣቦኣ ግራት ኪልምን መኸረቶ፡ ካብ ኣድጋ ኸኣ ወረደት። ካሌብ ድማ፡ እንታይ ኴንኪ፧ በላ።

Tools 19. ንሳ ኸኣ፡ በረኸት ሀበኒ፡ ምድሪ ደቡብ ሂብካኒ ኢኻ እሞ ዓይኒ ማያት ከኣ ሀበኒ፡ በለት። ንሱ ድማ ላዕላይ ዓይኒ ማያትን ታሕታይ ዓይኒ ማያትን ሀባ።

Tools 20. ርስቲ ነገድ ደቂ ይሁዳ ከከም ዓሌቶም እዚ እዩ፡

Tools 21. እተን ብወገን ደቡብ ናብ ዶብ ኤዶም ዜብላ ወሰኖት ከተማታት ነገድ ደቂ ይሁዳ ድማ፡ እዚኣተን እየን፡ ቃብጽኤልን ዔደርን ያጉርን፡

Tools 22. ቂናን ዲሞናን ዓድዓዳን፡

Tools 23. ቄዴሽን ሓጾርን ዪትናን፡

Tools 24. ዚፍን ጤለምን በዓሎትን፡

Tools 25. ሓጾር - ሓዳታን ቄሪዮት - ሔጽሮንን፡ ንሳ ሓጾር እያ፡

Tools 26. ኣማምን ሸማዕን ሞላዳን፡

Tools 27. ሓጻር-ጋዳን ሔሽሞንን ቤት-ጰለጥን፡

Tools 28. ሓጾር-ሹዓልን ብኤር-ሸባዕን ቢዝዮትያን፡

Tools 29. በዓላን ዒዪምን ዓጸምን፡

Tools 30. ኤል-ቶላድን ኬሲልን ሖርማን፡

Tools 31. ጺቅላግን ማድማናን ሳንሳናን፡

Tools 32. ልባኦትን ሺልሂምን ዓዪንን ሪሞንን፡ ኵለን ዕስራን ትሽዓተን ከተማ ምስ ዓድታተን።

Tools 33. ኣብ ቈላ፡ ኤሽታኦልን ጾርዓን ኣሽናን፡

Tools 34. ዛኖኣን ዔን-ጋኒምን ታጱኣን ዔናምን፡

Tools 35. ያርሙትን ዓዱላምን ሶኮን ዓዜቃን

Tools 36. ሻዓራይምን ዓዲታይምን ግዴራን ግዴሮታይምን፡ ዓሰርተው ኣርባዕተ ኸተማ ምስ ዓድታተን።

Tools 37. ጽናን ሓዳሻን ሚግዳል-ጋድን፡

Tools 38. ዲልዓንን ሚጽጴን ዮቅትኤልን፡

Tools 39. ላኪሽን ቦጽቃትን ዓግሎንን፡

Tools 40. ካቦንን ላሕማስን ኪትሊሽን፡

Tools 41. ግዳሮትን ቤት-ዳጎንን ናዓማን ማቄዳን፡ ዓሰርተው ሹዱሽተ ኸተማ ምስ ዓድታተን።

Tools 42. ሊብናን ዔተርን ዓሻንን፡

Tools 43. ዪፍታሕን ኣሽናን ንጺብን፡

Tools 44. ቅዒላን ኣክዚብን ማሬሻን፡ ትሽዓተ ኸተማ ምስ ዓድታተን።

Tools 45. ዔቅሮን ምስ ከተማታታን ዓድታታን።

Tools 46. ካብ ዔቅሮን ክሳዕ ባሕሪ፡ ኣብ ጥቓ ኣሽዶድ ዘለዋ ዅለን ምስ ዓድታተን።

Tools 47. ኣሽዶድ ምስ ከተማታታን። ጋዝ ምስ ከተማታታን ዓድታታን ክሳዕ ርባ ግብጽን ክሳዕ ዓብዪ ባሕርን ዶቡን።

Tools 48. ኣብ ከረን ድማ፡ ሻሚርን ያቲርን ሶኮን፡

Tools 49. ዳናን ቂርያት-ሳናን፡ ንሳ ደቢር እያ፡

Tools 50. ዓናብን ኤሽትሞን ዓኒምን፡

Tools 51. ጐሼንን ሖሎንን ጊሎን፡ ዓሰርተው ሓደ ኸተማ ምስ ዓድታተን።

Tools 52. ኣራብን ዱማን ኣሼዓንን፡

Tools 53. ያኑምን ቤት-ታጱኣን ኣፌቃን፡

Tools 54. ሑምታን ቂርያት-ኣርባን፡ ንሳ ኼብሮን እያ፡ ጺዖርን፡ ትሽዓተ ኸተማ ምስ ዓድታተን።

Tools 55. ማዖንን ካርሜልን ዚፍን ዮጣን፡

Tools 56. ይዝርኤልን ዮቅድዓምን ዛኖኣን፡

Tools 57. ቃዪንን ጊብዓን ቲምናን፡ ዓሰርት ኸተማ ምስ ዓድታተን።

Tools 58. ሓልሑልን ቤት-ጹርን ግዶርን፡

Tools 59. ማዓራትን ቤት-ዓኖትን ኤልትቆንን፡ ሹድሽተ ኸተማ ምስ ዓድታተን።

Tools 60. ቂርያት-በዓል፡ ንሳ ቂርያት-ይዓሪም እያ፡ ራባውን፡ ክልተ ኸተማ ምስ ዓድታተን።

Tools 61. ኣብ በረኻ ቤት-ዓራባን ሚዲንን ስካካን፡

Tools 62. ኒብሻንን ዒር-ሃመላሕን ዔን-ጌዲን፡ ሹድሽተ ኸተማ ምስ ዓድታተን።

Tools 63. ነቶም ኣብ የሩሳሌም ዝነበሩ ይቡሳውያን ግና፡ ደቂ ይሁዳ ኼውጽእዎም ኣይከኣሉን። ስለዚ ይቡሳውያን ክሳዕ ሎሚ መዓልቲ ምስ ደቂ ይሁዳ ኣብ የሩሳሌም ይነብሩ አለዉ።