Tools
1.
እያሱ ድማ ነዊሕ ዘበን ገይሩ ኣሪጉ ነበረ፡ እግዚኣብሄር ከኣ በሎ ፡ ንስኻ ነዊሕ ዘበን ጌርካ ኣሪግካ ኢኻ፡ እትተሐዝ ምድሪ ድማ ገና ኣዝያ ገዛፍ ተሪፋ አላ።
Tools
2.
እታ ዝተረፈት ምድሪ ኸኣ እዚኣ እያ፡ ብዘሎ ጐደቦታት ፍልስጥኤማውያንን ኵሎም ጌሹራውያንን ፡
Tools
3.
ካብታ ኣብ ቅድሚ ግብጺ ዘላ ሺሖር ንሰሜን ከኣ ክሳዕ እታ ምስ ምድሪ ኸነኣን እትቚጸር ዶብ ዔቅሮን ፡ ናይቶም ሓሙሽተ ሹማምቲ ፍልስጥኤማውያን ፡ ጋዛውያን ፡ ኣሽዶዳውያን ፡ ኣስቀሎናውያን ፡ ጋታውያን ፡ ዔቅሮናውያን ዓዋውያን ድማ፡
Tools
4.
ብደቡብ ኵሉ ምድሪ ኸነኣናውያን ፡ ሜዓራ ናይ ሲዶናውያንውን ከሳዕ ኣፌቅ ፡ ክሳዕ ዶብ ኣሞራውያን ፡
Tools
5.
ድማ ምድሪ ጌባላውያን ፡ ብዘሎ ሊባኖስ ድማ ብወገን ምብራቕ ጸሓይ ፡ ካብቲ ኣብ እግሪ ኸረን ሄርሞን ዘሎ በዓል-ጋድ ክሳዕ እቲ ንሃማት ዜእቱ ፡
Tools
6.
ኣብ ኣኽራን ካብ ሊባኖስ ክሳዕ ሚስረፎት ማዪም ዚነብሩ ዅሎም፡ ብዘለዉ ሲዶናውያን ። ኣነ ኻብ ቅድሚ ደቂ እስራኤል ክሰጎም እየ። ጥራይ፡ ከምቲ ዝኣዘዝኩኻ ጌርካ፡ እታ ምድሪ ንእስራኤል ንርስቲ ኣካፍሎም ።
Tools
7.
እምበኣር ሕጂ እዛ ምድሪ እዚኣ ንትሽዓቲኦም ነገድን ንፈረቓ ነገድ ምናሴን ንርስቲ ምቐላ ።
Tools
8.
ምስኡ ሮቤላውያንን ጋዳውያንን ፡ ከምቲ ሙሴ ባርያ እግዚኣብሄር ዝሀቦም ፡ እቲ ሙሴ ኣብ ስግር ዮርዳኖስ ብወገን ምብራቕ ዝሀቦም ርስቶም ተቐበሉ ፡
Tools
9.
ካብታ ኣብ ገምገም ርባ ኣርኖን ዘላ ዓሮዔር ፡ ካብታ ኣብ ማእከል ርባ ዘላ ኸተማ ኸኣ ብዘሎ ጐልጐል ሜድባ ኽሳዕ ዲቦንውን ፡
Tools
10.
ድማ ዅለን ከተማታት ናይቲ ኣብ ሔስቦን ክሳዕ ዶብ ደቂ ኣሞን ዝነገሰ ሲሆን ንጉስ ኣሞራውያን ፡
Tools
11.
ጊልዓድን ዶብ ጌሹራውያንን መዓካታውያንን ፡ ብዘሎ ኸረን ሄርሞንን ብዘሎ ባሳን ድማ ክሳዕ ሳልካ ፡
Tools
12.
ብዘሎ መንግስቲ ዖግ ኣብ ባሳን ፡ እቲ ኣብ ኣስታሮትን ኣብ ኤድሬዒን ዝነገሰ - ንሱ ኻብቶም ተረፍ ራፋውያን ተሪፉ ነበረ - ሙሴ ድማ ወቒዑ ኣውጽኦም ።
Tools
13.
ንጌሹራውያንን ንማዓካታውያንን ግና ደቂ እስራኤል ኣየውጽእዎምን እሞ ጌሹርን ማዓካትን ክሳዕ ሎም መዓልቲ ኣብ ማእከል እስራኤል ይቕመጡ አለዉ።
Tools
14.
ንነገድ ሌዊ ጥራይ ርስቲ ኣይሀቦምን ፡ ርስቱስ ከምቲ ዝበሎ ፡ ናይ እግዚኣብሄር ኣምላኽ እስራኤል መስዋእቲ ሓዊ እዩ።
Tools
15.
እምበኣርሲ ሙሴ ንነገድ ደቂ ሮቤል ከከም ዓሌቶም ርስቲ ሀቦም ።
Tools
16.
ዶቦም ከኣ ካብታ ኣብ ገምገም ርባ ኣርኖን ዘላ ዓሮዔርን ካብታ ኣብ ማእከል ርባ ዘላ ኸተማን ፡ ብዘሎ ጐልጐል ሜድባ ድማ፡
Tools
17.
ሔስቦንን እተን ኣብ ጐልጐል ዘለዋ ዅለን ከተማታትን ፡ ዲቦንን ባሞት-ብዓልን ቤት-በዓል-ሜዖንን ፡
Tools
18.
ያሕጻን ቄዴሞትን ሜፋዓትን ፡
Tools
19.
ቂርያታዪምን ሲብማን እታ ኣብቲ ኣብ ለሰ ዘሎ ኸረን ዘላ ጸሬት-ሻሓር ድማ፡
Tools
20.
ቤት-ጴዖርን ጎቦታት ጲስጋንን ፡ ቤት-የሺሞትን ፡
Tools
21.
ኵለን ከተማታት ጐልጌልን ብዘላ መንግስቲ እቲ ኣብ ሔስቦን ነጊሱ ዝነበረ ሲሆን ንጉስ ኣሞራውያንን ምስቶም ሹማምቲ ሚድያን ፡ ኤዊን ረቀምን ጹርን ሑርን ሬባን ፡ እቶም ኣብታ ሃገር ዝነበሩ ሹማምቲ ሲሆን፡ ሙሴ ዝወቕዖም ።
Tools
22.
ንበላዓም ጠንቋሊ ወዲ ቤዖር ድማ ምስቶም ካልኦት ቅቱላቶም ደቂ እስራኤል ብሴፍ ቀተልዎ ።
Tools
23.
ዶብ ደቂ ሮቤል ድማ ዮርዳኖስን ዶቡን ነበረ። ርስቲ ደቂ ሮቤል ከከም ዓሌቶም ፡ ከተማታትን ዓድታተንን እዚ እዩ።
Tools
24.
ንነገድ ጋድ ድማ፡ ንደቂ ጋድ ከከም ዓሌቶም ሙሴ ሀቦም ።
Tools
25.
ዶቦም ከኣ ያዕዜርን ኵለን ከተማታት ጊልዓድን ፈረቓ ምድሪ ደቂ ኣሞን ድማ ክሳዕ እታ ኣብ መንጽር ራባ ዘላ ዓሮዔር ነበረ።
Tools
26.
ካብ ሔስቦን ድማ ክሳዕ ራማት-ሚጽጴን በጦኒምን ፡ ካብ መሃናይም ከኣ ክሳዕ ዶብ ደቢር ፡
Tools
27.
ኣብቲ ለሰ ድማ፡ ቤት-ሃራምን ቤት-ኒምራን ሱኰትን ጻፎንን ፡ እቲ ተረፍ መንግስቲ ሲሆን ፡ ንጉስ ሔስቦን ፡ እቲ ዶብ ድማ ዮርዳኖስ እዩ ኽሳዕ ወሰን ባሕሪ ኪነረት ፡ ስግር ዮርዳኖስ ብምብራቑ ።
Tools
28.
ርስቲ ደቂ ጋድ ከከም ዓሌቶም ከተማታት ምስ ዓድታተን እዚ እዩ።
Tools
29.
ንፈረቓ ነገድ ምናሴውን ሙሴ ርስቲ ሀቦም ፡ ንሱ ኸኣ ንፈረቓ ነገድ ደቂ ምናሴ ከከም ዓሌቶም ኰነ።
Tools
30.
ዶብም ከኣ ካብ መሃናይም ብዘሎ ባሳን ፡ ብዘሎ መንግስቲ ዖግ ንጉስ ባሳን፡ ኵለን ዓድታት ናይታ ኣብ ባሳን ዘላ ያኢር ፡ ስሳ ኸተማታት ፡
Tools
31.
ፈረቓ ጊልዓድ ድማ፡ ኣስታሮትን ኤድሬዒን ፡ ከተማታት መንግስቲ ዖግ ኣብ ባሳን ፡ ንደቂ ማኪር ወዲ ምናሴ ንፈረቓ ደቂ ማኪር ከከም ዓሌቶም ኰነ።
Tools
32.
እተን ኣብ ስግር ዮርዳኖስ ፡ ብወገን ምብራቓ ንያሪኮ ፡ ኣብ ጐልጐል ሞኣብ ፡ ሙሴ ዘረስተዮም ፡ እዚኣተን እየን።
Tools
33.
ንነገድ ሌዊ ግና፡ ከምቲ ዝበሎም ፡ እግዚኣብሄር ኣምላኽ እስራኤል እዩ ርስቶም እሞ፡ ሙሴ ርስቲ ኣይህቦምን ።
