Tools 1. እግዚኣብሄር ድማ ንሙሴ በሎ፡ ናብ ፈርኦን ኬድካስ፡ እግዚኣብሄር ከምዚ ይብል፡ ንህዝበይ ኬገልግለኒ ይኺድ ሕደጎ።

Tools 2. ንስኻ ምሕዳጉ እንተ ኣቤኻ ኸኣ፡ እንሆ፡ ኣነ ንዅላ ሃገርካ ብቝርዖብ ክወቖዓ እየ።

Tools 3. እቲ ርባ ድማ ብቝርዖብ ፈለኽለኽ ኪብል እዩ፡ ደይበን ከኣ ናብ ቤትካን ናብ ሕልፍኚ መደቀሲኻን ናብ ዓረትካን ናብ ቤት ገላዉኻን ናብ ህዝብኻን ናብ ኣታውንካን ናብ ገበራኻን ኪኣትዋ እየን።

Tools 4. ናባኻን ናብ ህዝብኻን ናብ ኵሎም ገላዉኻን ቍርዖብ ኪድይባኹም እየን በሎ።

Tools 5. እግዚኣብሄር ድማ ንሙሴ በሎ፤ ንኣሮን፡ ናብ ልዕሊ ወሓዝትን ናብ ርባታትን ናብ ቀላያትን ኢድካ ምስ በትርኻ ዘርግሕ እሞ፡ ናብ ልዕሊ ሃገር ግብጺ ቝርዖብ ኣደይብ በሎ።

Tools 6. ኣሮን ከኣ ኢዱ ናብ ልዕሊ ማያት ግብጺ ዘርግሔ፡ እተን ቍርዖብ ድማ ደይበን ንምድሪ ግብጺ ኸደንኦ።

Tools 7. እቶም ጠንቈልቲ ድማ ብስራዮም ከምኡ ገበሩ፡ ናብ ምድሪ ግብጺ ኸኣ ቍርዖብ ኣደየቡ።

Tools 8. ሽዑ ድማ ፈርኦን ንሙሴን ንኣሮንን ጸዊዑ፡ ካባይን ካብ ህዝበይን ቍርዖብ ኬርሕቐለይ፡ ንእግዚኣብሄር ለምኑለይ። ኣነ ኸኣ ነቲ ህዝቢ ንእግዚኣብሄር ኪስውእ ይኺድ ክሐድጎ እየ፡ በሎም።

Tools 9. ሙሴ ንፈርኦን፡ እተን ቍርዖብ ካባኻን ካብ ኣባይትኻን ኪጠፍኣ እሞ ኣብ ርባ ጥራይ ኪተርፋስ፡ ምእንታኻን ምእንቲ ገላዉኻን ምእንቲ ህዝብኻን ንመኣዝ ከም ዝልምን፡ ብኽብረትካ ቝረጸለይ፡ በሎ።

Tools 10. ንሱ ድማ፡ ንጽባሕ፡ በለ። እሞ፡ ከም እግዚኣብሄር ኣምላኽና ከም ዜልቦ ምእንቲ ኽትፈልጥሲ፡ ከምቲ ዝበልካዮ ይኹን።

Tools 11. እዘን ቍርዖብ ካባኻን ካብ ኣባይትኻን ካብ ገላዉኻን ካብ ህዝብኻን ኪርሕቃ፡ ኣብ ርባ ጥራይ ኪተርፋ እየን፡ በለ።

Tools 12. ሙሴን ኣሮንን ከኣ ካብ ፈርኦን ወጹ። ሙሴ ድማ፡ ብዛዕባ እተን ናብ ፈርኦን ዘምጽኤን ቍርዖብ፡ ናብ እግዚኣብሄር ተማህለለ።

Tools 13. እግዚኣብሄር ድማ ከምቲ ሙሴ ዝበሎ ገበረ። እተን ቍርዖብ ከኣ ካብ ኣባይትን ካብ ደነብን ካብ መሮርን ሞታ።

Tools 14. እናኣከቡ ዀመርወን፡ እታ ምድሪ ኸኣ በድበደት።

Tools 15. ፈርኦን ግና፡ ዕረፍቲ ኸም ዝዀነ ምስ ረአየ፡ ልቡ ኣትረረ፡ ከምቲ እግዚኣብሄር ዝበሎ ኸኣ ኣይሰምዖን።

Tools 16. እግዚኣብሄር ድማ ንሙሴ በሎ፡ ንኣሮን፡ በትርኻ ዘርግሕ፡ ነቲ ደበቝቦቛ ምድሪ ውዓዮ፡ ኣብ ኵላ ምድሪ ግብጺ ድማ ጻጹት ኪኸውን እዩ በሎ።

Tools 17. ከምኡ፡ ኸኣ ገበረ። ኣሮን ኢዱ ምስ በትሩ ዘርጊሑ ነቲ ደበቝቦቛ ምድሪ ወቕዖ፡ ናብ ሰብን ናብ ማልን ድማ ጻጹት ኰነ። ኣብ ብዘላ ምድሪ ግብጺ ኸኣ ኵሉ ደበቝቦቛ ምድሪ ጻጹት ኰነ።

Tools 18. እቶም ጠንቈልቲ ድማ ብስራዮም ጻጹት ኬውጽኡ ኸምኡ ገበሩ፡ ግናኸ ኣይከኣሉን። ጻጹት ከኣ ኣብ ሰብን ኣብ ማልን ኰነ።

Tools 19. እቶም ጠንቈልቲ ድማ ንፈርኦን፤ እዚኣ ኣጻብዕ ኣምላኽ እያ፡ በልዎ። ልቢ ፈርኦን ግና ተረረ፡ ከምቲ እግዚኣብሄር ዝበሎ ኸኣ ኣሰምዖምን።

Tools 20. እግዚኣብሄር ድማ ንሙሴ በሎ፡ ጽባሕ ኣንጊህካ ተንስእ፡ ናብ ቅድሚ ፈርኦን ከኣ ደው በል። እንሆ፡ ናብ ማይ ይወጽእ አሎ እሞ በሎ፡ እግዚኣብሄር ከምዚ ይብል፤ ንህዝበይ ኬገልግለኒ ይኺድ ሕደጎ።

Tools 21. ንህዝበይ እንተ ዘይሐደግካዮ ድማ፡ እንሆ፡ ናባኻን ናብ ገላዉኻን ናብ ህዝብኻን ናብ ኣባይትኻን ጽንጽያ ኸልቢ ኽሰድድ እየ። ኣባይቲ ግብጻውያንን እታ ዚነብሩላ ምርድን ከኣ ብጽንጽያ ኸልቢ ኸመልኣ እየን።

Tools 22. በታ መዓልቲ እቲኣ ድማ ኣነ እግዚኣብሄር ኣብ ማእከል ምድሪ ምዃነይ ምእንቲ ኽትፈልጥ፡ ነታ ህዝበይ ዚነብረላ ምድሪ ጎሼን ጽንጽያ ኸልቢ ዜብላ ገይረ ኽፈልያ እየ።

Tools 23. ኣብ መንጎ ህዝበይን ኣብ መንጎ ዝህብኻን ምፍልላይ ክገብር እየ። እዚ ትእምርቲ እዚ ጽባሕ ኪኸውን እዩ።

Tools 24. እግዚኣብሄር ድማ ከምኡ ገበረ። ናብ ቤት ፈርኦንን ናብ ቤት ገላዉኡን ብዙሓት ዕስሌታት ጽንጽያ ኸልቢ መጹ። ኣብ ኵላ ሃገር ግብጺ ድማ እታ ምድሪ ብጽንጽያ ኸልቢ ተበላሸወት።

Tools 25. ሽዑ ፈርኦን ንሙሴን ንኣሮንን ጸዊዑ፡ ኪዱ ኣብዛ ሃገር ንኣምላኽኩም ሰውኡ፡ በሎም።

Tools 26. ሙሴ ግና፡ እቲ ንእግዚኣብሄር ኣምላኽና እንስውኦ፡ ርኽሰት ግብጻውያን እዩ እሞ፡ ከምዚ ኺግበር ኣይቕኑዕን። እቲ ርኽሰት ግብጻውያን ዝዀነ ኣብ ቅድሚኦም እንተ ሰዋእናስ፡ ብዳርባ እምኒዶ ኣይቀትሉናን፧

Tools 27. ከምቲ ዚብለና ዘሎ፡ ንእግዚኣብሄር ኣምላኽና ኽንስውእሲ፡ መገዲ ሰለስተ መዓልቲ ናብ በረኻ ንኺድ፡ በለ።

Tools 28. ፈርኦን ከኣ፡ ንእግዚኣብሄር ኣምላኽኩም ኣብ በረኻ ኽትስውኡሉ ኽሐድገኩም እየ። ምእንታይ ድማ ለምኑ፡ ኣርሒቕኩም ደኣ ኣይትኺዱ፡ በለ።

Tools 29. ሙሴ ኸኣ፡ እንሆ፡ ኣነ ኻባኻ እወጽእ አሎኹ፡ ንእግዚኣብሄር ድማ ክልምን እየ። እቶም ጽንጽያ ኸልቢ ኸኣ ካብ ፈርኦን ካብ ገላዉኡን ካብ ህዝቡን ጽባሕ ኪኸዱ እዮም። ፈርኦን ግዳ ነቲ ህዝቢ ንእግዚኣብሄር ኪስውእ ምሕዳጉ ኸይኣቢ፡ መሊሱ ኣይጠብረና፡ በለ።

Tools 30. ሙሴ ድማ ካብ ፈርኦን ወጸ፡ ንእግዚኣብሄር ከኣ ለመነ።

Tools 31. እግዚኣብሄር ድማ ሙሴ ኸም ዝበሎ ገበረ። ነቶም ጽንጽያ ኸልቢ ኻብ ፈርኦንን ካብ ገላዉኡን ካብ ህዝቡን ሓደኳ ኸይተረፈ ኣርሐቖም።

Tools 32. ፈርኦን በዛ ጊዜ እዚኣ ድማ ልቡ ኣትረረ፡ ንህዝቢ ኸኣ ኣይሐደጎን።