Tools 1. ዮሳፋጥ ድማ ብዙሕ ሃብትን ክብረትን ነበሮ። ምስ ኣከኣብ ከኣ ተዋሰበ።

Tools 2. ድሕሪ ገለ ዓመታት ከኣ ናብ ኣከኣብ ናብ ሰማርያ ወረደ። ኣከኣብ ድማ ንእኡን ነቲ ምስኡ ዝነበረ ህዝብን ብዙሓት ኣባጊዕን ኣላሕምን ሓረደሎም። ናብ ራሞት-ጊልዓድ ምስኡ ኺድይብ ከኣ ሓባበሎ።

Tools 3. ሽዑ ኣከኣብ ንጉስ እስራኤል ንዮሳፋጥ ንጉስ ይሁዳ፣ ናብ ርሞት-ጊልዓድ ምሳይ ክትከይድዶ ትደሊ ኢኻ፧ በሎ። ንሱ ድማ፣ ኣነ ኽማኻ እዩ፣ ህዝበይ ከኣ ከም ህዝብኻ እዩ፣ ናብቲ ውግእውን ምሳኻ እኸይድ፣ በሎ።

Tools 4. ዮሳፋጥ ግና ንንጉስ እስራኤል፣ በጃኻ፣ ሎሚ ንቓል እግዚኣብሄር ደኣ ሕተት፣ በሎ።

Tools 5. ሽዑ ንጉስ እስራኤል ነቶም ነብያት፣ ኣርባዕተ ሚእቲ ሰብ፣ ኣኪቡ፣ ናብ ራሞት-ጊልዓድ ንውግእ ክንከይድዶ ወይስ ክተርፍ፧ በሎም። ንሳቶም ከኣ፣ ደይብ ደኣ ኣምላኽ ድማ ኣብ ኢድ ንጉስ ኣሕሊፉ ኺህባ እዩ፣ በሉ።

Tools 6. ዮሳፋጥ ከኣ፣ ገናዶ እንሓቶ ነብዪ እግዚኣብሄር ኣብዚ አልቦን፧ በለ።

Tools 7. ንጉስ እስራኤል ከኣ ንዮሳፋጥ፣ ብእኡ ጌርና ንእግዚኣብሄር እንሓቶ ገና ሓደ ሰብኣይ እባ አሎ፣ ንሱ ኸኣ ሚክያስ ወዲ ዪምታ እዩ። ግናኸ ንሱ ንኣይ ኵሉሳዕ ክፉእ እምበር፣ ጽቡቕ ኣንበየለይን እዩ፣ ኣነ እጸልኦ እየ፣ በሎ። ዮሳፋጥ ግና፣ ንጉስ ከምኡ ኣይዛረብ፣ በለ።

Tools 8. ሽዑ ንጉስ እስራኤል ንሓደ ስሉብ ጸዊዑ፣ ንሚክያስ ወዲ ዪምላ ቐልጢፍካ ኣምጽኣዮ፣ መለ።

Tools 9. እቲ ንጉስ እስራኤልን ዮሳፋጥ ንጉስ ይሁዳን ለልብሰ መንግስቶም ተኸዲኖም ኣብ ዘዝፋኖም ተቐመጡ፣ ኣብ ኣፍ ደገ ሰማርያ ኣብ ዘሎ ኣደባባይ ተቐሚጦም ነበሩ። ኵሎም እቶም ነብያት ድማ ኣብ ቅድሚኦም ኰይኖም ይንበዩ ነበሩ።

Tools 10. ጼድቅያስ ወዲ ከናዓና ኸኣ ኣቕርንቲ ሓጺን ሰሪሑ፣ እግዚኣብሄር፣ ንሶርያዉያን ክሳዕ ዚውድኡ በዚኣተን ክትወግኦም ኢኻ፣ ይብል አሎ፣ በሎ።

Tools 11. ኵሎም ነብያት ድማ ከምኡ፣ ናብ ራሞት-ጊልዓድ ደይብ፣ ኪቐንዓካ ኸኣ እዩ፣ እግዚኣብሄር ድማ ኣብ ኢድ ንጉስ ኣሕሊፉ ኺህባ እዩ፣ ኢሎም ይንበዩ ነበሩ።

Tools 12. እቲ ንሚክያስ ኪጽውዖ ዝኸደ ልኡኽ ከኣ፣ እንሆ፣ እቶም ነብያት ከም ሓደ ኣፍ ኰይኖም ነቲ ንጉስ ጽቡቕ ይዛረቡሉ አለዉ፣ ዘረባኻ ድማ፣ በጃኻ፣ ከም ሓደ ኻባታቶም ይኹን እሞ ጽቡቕ ተዛረብ፣ ኢሉ ተዛረቦ።

Tools 13. ሚክያስ ግና፣ እቲ ኣምላኸይ ዚብሎ ንእኡ ኸም ዝዛረቦ፣ ህያው እግዚኣብሄር እዩ፣ በሎ።

Tools 14. ናብ ንጉስ ምስ መጸ ድማ፣ እቲ ንጉስ፣ ኣታ ሚክያስ፣ ንራሞት ጊልዓድ ኬድናዶ ኽንዎጋእ ወይድ ክተርፍ፧ በሎ። ብሱ ኸኣ፣ ደይብ፣ ኪቐንዓካ ድማ እዩ፣ ንሳቶም ከኣ ኣብ ኣእዳውኩም ኪወሀቡ እዩም፣ መሎ።

Tools 15. እቲ ንጉስ ድማ፣ ብስም እግዚኣብሄር ሓቂ ጥራይ እምበር፣ ካልእ ከይትዛረበኒ፣ ኣነ ክንደይ ሳዕ ከምሕለካ እየ፧ በሎ።

Tools 16. ንሱ ኸኣ በለ፣ ንብዘለዉ እስራኤል ጓሳ ኸም ዜብለን ኣባጊዕ ኣብ ኣኽራን ፋሕ ኢሎም ርኤኽዎም። እግዚኣብሄር ድማ፣ እዚኣቶም ጐይታ የብሎምን፣ ነፍሲ ወከፍ ብሰላም ነናብ ቤቱ ይመለስ፣ በለ።

Tools 17. እቲ ንጉስ እስራኤል ከኣ ንዮሳፋጥ፣ እዚ ንኣይ ክፉእ እምበር፣ ጽቡቕሲ ኣይንበየለይን እዩዶ ኣይበልኩኻን፧ በሎ።

Tools 18. ሚክያስ ድማ በለ፣ ስለዚ ቓል እግዚኣብሄር ስምዑ። እግዚኣብሄር ኣብ ዝፋኑ ተቐሚጡ ብዘሎ ሰራውዊት ሰማይ ከኣ ብየማኑን ብጸጋሙን ቈይሞም ርኤኹ።

Tools 19. እግዚኣብሄር ድማ፣ ንኣከኣብ ንጉስ እስራኤል ናብ ራሞት-ጊልዓድ ደዪቡ ኣብኣ ኺወድቕሲ፣ መን ይሓባብሎ፧ በለ። ሽዑ ሓደ ከምዚ በለ፣ ሓደ ድማ ከምቲ በለ።

Tools 20. ሽዑ ሓደ መንፈስ ወጸ፣ ኣብ ቅድሚ እግዚኣሄር ደው ኢሉ ድማ፣ ኣነ ኽሓባብሎ፣ በለ። እግዚኣብሄር ከኣ፣ ብምንታይ ጌርካ፧ በሎ።

Tools 21. ንሱ ድማ፣ ወጺኤ ኣብ ኣፍ ኵሎም ነብያቱ ሓሳዊ መንፈስ ክኸውን እየ፣ በለ። እግዚኣብሄር ከኣ፣ ንስኻስ ትሓባብሎ ኢኻ፣ ትኽእሎ ድማ፣ ወጺእካ ኸምኡ ግበር፣ በሎ።

Tools 22. ሕጂ ድማ፣ እንሆ፣ ኣብ ኣፍ እዞም ነብያትካ እዚቶም እግዚኣብሄር ሓሳዊ መንፈስ ሂብዎም አሎ። ኣብ ልዕሌኻ ኸኣ እግዚኣብሄር ክፉእ ተዛሪቡ አሎ።

Tools 23. ሽዑ ጼድቅያስ ወዲ ከናዓና ቐሪቡ ንሚክያስ ኣብ ምዕጉርቱ ጸፍዖ እሞ፣ እቲ መንፈስ እግዚኣብሄርሲ ንዓኻ ኺዛረብ በየናይ መገዲ እዩ ኻባይ ዝሓለፈ፧ በሎ።

Tools 24. ሚክያስ ከኣ፣ እንሆልካ፣ በታ ንምሕባእ ካብ ውሻጠስ ናብ ውሻጠ እትኣትወላ መዓልቲ ክትርኢ ኢኻ፣ በለ።

Tools 25. እቲ ንጉስ እስራኤል ድማ በለ፣ ንሚክያስ ሒዝኩም ናብ ኣሞን ሹም እታ ኸተማን ናብ ዮኣስ ወዲ ንጉስን ምለስዎ፣

Tools 26. በሉ ኸኣ፣ ንጉስ ከምዚ ይብል አሎ፣ ኣነ ብሰላም ክሳዕ ዝምለስ፣ ነዚ ናብ ቤት ማእሰርቲ ኣእትውዎ፣ እንጌራ መከራን ማይ መከራን ከኣ መግብዎ።

Tools 27. ሚክያስ ድማ መለሰሉ፣ ብሰላም እንተ ተመሊስካ፣ እግዚኣብሄር ብኣይ ኣይተዛረበን እዩ። ኣቱም ህዝብታት፣ ኵላትኩም ስምዑ፣ ከኣ በለ።

Tools 28. ከምኡ ኸኣ እቲ ንጉስ እስራኤልን ዮሳፋጥ ንጉስ ይሁዳን ናብ ራሞት-ጊልዓድ ደየቡ።

Tools 29. እቲ ንጉስ እስራኤል ድማ ንዮሳፋጥ፣ ኣነ ኽዳውንተይ ለዊጠ ናብ ውግእ ክኣቱ እየ፣ ንስኻ ግና ክዳውንትኻ ተኸከን፣ በሎ። እቲ ንጉስ እስራኤል ከኣ ክዳውንቱ ለዊጡ ናብ ውግእ ኣተወ።

Tools 30. እቲ ንጉስ ሶርያ ኸኣ ንሓላቑ ሰረገላታቱ፣ ንንጉስ እስራኤል ጥራይ ደኣ እምበር፣ ምስ ንእሽቶ ዀነ ምስ ዕብዪ ኣይትዋግኡ፣ ኢሉ ኣዘዞም።

Tools 31. ኰነ ድማ፣ እቶም ሓላቑ ሰረገላታት ንዮሳፋጥ ምስ ረአይዎ፣ ንሱ ንጉስ እስራኤል እዩ፣ በሉ፣ ኪዋግእዎ ኸኣ ናብኡ ዞሩ። ዮሳፋጥ ግና ጨርሔ፣ እግዚኣብሄር ድማ ረድኦ፣ ኣምላኽ ከኣ ካብኡ ኣግለሶም፣

Tools 32. ኰነ ድማ፣ እቶም ሓላቑ ሰረገላታት ንሱ ንጉስ እስራኤል ከም ዘይኮነ ምስ ረኣዩ፣ ካብ ምስጓጉ ተምልሱ።

Tools 33. ግናኸ ሓደ ሰብኣይ ቀስቱ ገቲሩ ናብ ዝወረደት ትውረድ ሰደዳ እሞ፣ ነቲ ንጉስ እስራኤል በታ መጋጠሚ ድርዒ ወግኦ። ሽዑ ንሱ ነቲ ብዓል ሰረገላ፣ ተወጊኤ እየ እሞ፣ ኢድካ ምለሳ፣ ካብዛ ሰልፊ ኣውጽኣኒ፣ በሎ።

Tools 34. በታ መዓልቲ እቲኣ ድማ እቲ ውግእ በርትዔ፣ እቲ ንጉስ እስራኤል ከኣ ኣብ መንጽር ሶርያውያን ኰይኑ ኽሳዕ ምሸት ኣብቲ ሰረገላ ደው ኢሉ ነበር። ጸሓይ ክትዓርብ ከላ ኸኣ ሞተ።