1-2. ዓይኒ እግዚኣብሄር ናብ ኵሎም ሰብን ናብ ኵሎም ነገድ እስራኤልን ኣቢሉ እዩ እሞ፣ ጾር ቃል እግዚኣብሄር ኣብ ልዕሊ ሃገር ሓድራክን ኣብ ልዕሊ ደማስቆን ኣብ ልዕሊ እታ ኣብ ወሰና ዘላ ሃማትን ይዐርፉ፣ ኣዝየን ጥበበኛታት እየን እሞ፣ ኣብ ልዕሊ ጢሮስን ሲዶናን ከኣ ይዐርፍ።
3. ኢሮስ ዕርዳ ዐረደት፣ ብሩር ከም ሓመድ፣ ወርቂ ድማ ከም ጸብሪ መገዲ ደለበት።
4. እንሆ፣ እግዚኣብሄር ኪሕዛ፣ ስልጣና ኸኣ ናብ ባሕሪ ኺድርብዮ እዩ፣ ብሓዊ ድማ ሞዅ ክትብል እያ።
5. ኣስቃሎን ክትርእዮ እያ እሞ ክትፈርህ እያ፡ ጋዛውን ክትስቀ እያ፡ ዔቅሮን ድማ ተስፋኣ ተቘሪጹ እዩ እሞ፡ ከምኣ። ንጉስ ካብ ጋዛ ኺጠፍእ እዩ፡ ኣስቃሎን ከኣ ዚነብራ ኽትስእን እያ።
6. ኣብ ኣሽዶድ ድቓላ ኺነብር እዩ፣ ኣነ ድማ ንትዕቢት ፍልስጥኤማውያን ከጥፍኦ እየ።
7. ደሙ ኸኣ ካብ ኣፉ፣ ጽያፉ ድማ ካብ መንጎ ኣስናኑ ኸውጽኣሉ እየ፣ ንሱውን ንኣምላኽና ተረፍ ኪዀኖ፣ ኣብ ይሁዳ ኸኣ ከም ሓለቓ ኪኸውን እዩ፣ ዔቅሮን ድማ ከም ይቡሳዊ።
8. ካብ ሰራዊት፣ ካብቲ ዚኸይድን ዚመጽእን ክከላኸለላስ፣ ኣብ ዙርያ ቤተይ ክሰፍር እየ፣ ሕጂ በዒንተይ ርእየያ እየ እሞ፣ ድሕርዚ ጨቋኒ ከቶ ኣይኪሐልፎምን እዩ።
9. ኣቲ ጓል ጽዮን፣ ኣዚኹ ተሐጐሲ፣ ኣቲ ጓል የሩሳሌም፣ እልል በሊ፣ እንሆ ንጉስኪ፣ ንሱ ጻድቕ መድሓንን ትሑትን እዩ፣ ኣብ ኣድጊ፣ ኣብ ጻብዕ ኣድጊ ተወጢሑ ናባኺ ይመጽእ አሎ።
10. ኣነ ኸኣ ሰረገላ ኻብ ኤፍሬም፣ ፈረስ ድማ ካብ የሩሳሌም ከጥፍ እየ፣ ቀስቲ ውግእ ኪጠፍእ እዩ። ንሱ ነህዛብ ሰላም ኪነግሮም እዩ። ግዝኣቱ ኻብ ባሕሪ ኽሳዕ ባሕሪ፣ ካብቲ ርባ ክሳዕ ወሰን ምድሪ ኪኸውን እዩ።
11. ንኣኺ ድማ ብሳላ ደም ኪዳንኪ ነቶም ሱራትኪ ኻብቲ ማይ ዜብሉ ጕድጓድ ከውጽኦም እየ።
12. ኣቱም ብተስፋ እተኣሰርኩም፣ ናብቲ ዕርዲ ተመለሱ፣ ኣነ ዕጽፊ ገይረ ኸም ዝመልሰልኪ፣ ሎሚውን እነግረኪ አሎኹ።
13. ንርእሰይ ኢለ ንይሁዳ ኸም ቀስቲ ገተርክዎ፣ ብኤፍሬም ድማ መላእክዎ። ኣቲ ጽዮን፣ ንደቅኺ፣ ኣብ ልዕሊ ደቅኺ፣ ዎ ዮናኒ፣ ከተንስኦም፣ ንኣኺ ድማ ሰይፊ ጅግና ኽገብረኪ እየ።
14. እግዚኣብሄር ኣብ ልዕሊኦም ኪርኤ እዩ፣ ፍላጻኡ ኸኣ ከም በርቂ ኺወጽእ እዩ፣ እግዚኣብሄር ኣምላኽውን መለኸት ኪነፍሕ፣ ብህቦብላ ንፋስ ደቡብ ድማ ኪኸይድ እዩ።
15. እግዚኣብሄር ጐይታ ሰራዊት ኬዕቍቦም እዩ፣ ንሳቶም ድማ ኪውሕጡ፣ እምኒ ወንጭፍ ከኣ ኪረግጹ እዮም፣ ኪሰትዩ፣ ብወይኒ ኸም ዝሰኸሩ ጫውጫው ኪብሉ፣ ከም ዋንጫ፣ ከም ኵርናዕ መሰውኢ ኺመልኡ እዮም።
16. ከምቲ ኣብ ምድሪ ዜንጸባርቕ ኣእማን ኣኽሊል እዮም እሞ፣ በታ መዓልቲ እቲኣ እግዚኣብሄር ኣምላኾም ንህዝቡ ኸም መጓሰ ኼድሕኖም እዩ።
17. ሰናዩ ኽንደይ ዓብዪ፣ ጽባቔኡስ ክንደይ ዓብዪ እዩ። እኽሊ ነጕባዝ፣ ኰልዒ ወይኒ ኸኣ ነዋልድ ኬዕብዮም እዩ።
Result not found!
No valid results were found for your search. Try refining your search using the above form.
Search again using the above filed or click below button to see Bible book name list...