Tools 1. እቲ ኣብ ደቡብ ዚነብር ንጉስ ኣራድ ከነኣናዊ፡ እስራኤል ብመገዲ ኣታሪም ከም ዝመጸ ምስ ሰምዔ፡ ምስ እስራኤል ተዋግኤ፡ ካባታቶም ከኣ ገለ ምርኮ ማረኸ።

Tools 2. ሽዑ እስራኤል፡ እዚ ህዝቢ እዚ ኣብ ኢደይ ኣሕሊፍካ እንተ ሂብካንስ፡ ከተማታቶም ክሐርመን እየ፡ ኢሉ ንእግዚኣብሄር መብጽዓ ተመባጽዔ።

Tools 3. እግዚኣብሄር ድማ ቃል እስራኤል ሰምዔ፡ ንከነኣናውያን ከኣ ኣብ ኢዶም ሀቦም፡ ንኣታቶምን ንኸተማታቶምን ድማ ሐረምዎም፡ ስም እታ ቦታ ኸኣ ሖርማ ተባህለት።

Tools 4. ካብ ከረን ሆር ንምድሪ ኤዶም ኪዞሩ ንባሕሪ ኤርትራ ኣቢሎም ተጓዕዙ፡ ነፍሲ እቲ ህዝቢ ኸኣ ብመገዲ ዓቕሊ ኣጽበበት።

Tools 5. እቲ ህዝቢ ድማ፡ ኣብዚ እንጌራ የልቦን፡ ማይ ድማ የልቦን፡ ነዚ ፈኲሽ እንጌራ ኸኣ ነፍስና መንያቶ እያ እሞ፡ ኣብ በረኻ ኽንመውትከ ስለምንታይ ካብ ግብጺ ኣደየብኩምና፧ ኢሎም ኣብ ኣምላኽን ኣብ ሙሴን ተዛረቡ።

Tools 6. እግዚኣብሄር ከኣ ዚነዱ ኣትማን ናብ ህዝቢ ሰደደ። ነቲ ህዝቢ ድማ ነኸስዎ፡ ካብ እስራኤል ከኣ ብዙሕ ህዝቢ ሞተ።

Tools 7. ሽዑ እቶም ህዝቢ ናብ ሙሴ መጺኦም፡ ኣብ ልዕሊ እግዚኣብሄርን ኣብ ልዕሌኻን ብምዝራብና ሓጢኣት ገበርና፡ ነዞም ኣትማን ኬርሕቐልና ንእግዚኣብሄር ለምነልና፡ በሉ። ሙሴ ድማ ምእንቲ እቲ ህዝቢ ለመነ።

Tools 8. እግዚኣብሄር ከኣ ንሙሴ፡ ዚነድድ ተመን ንኣኻ ግበር፡ ኣብ ባላ ድማ ስቐሎ። ኪኸውን ከኣ እዩ፡ እተነኽሰ ዘበለ ናብኡ እንተ ጠመተ፡ ኪሓዊ እዩ።

Tools 9. ሙሴ ኸኣ ካብ ኣስራዚ ተመን ገበረ፡ ኣብ ባላውን ሰቐሎ። ኰነ ኸኣ፡ ገለ ተመን ንሰብ እንተ ነኸሰ፡ ናብቲ ተመን ኣስራዚ ምስ ዚጥምት ይሐዊ ነበረ።

Tools 10. ደቂ እስራኤል ድማ ተጓዕዙ፡ ኣብ ኦቦት ከኣ ሰፈሩ።

Tools 11. ካብ ኦቦት ተጓዒዞም ድማ፡ ኣብ መንጽር ሞኣብ ብሸነኽ ምብራቕ ኣብ ዘሎ በረኻ ኣብ ዒየ-ዓባሪም ሰፈሩ።

Tools 12. ኣብኡ ተጓዒዞም ከኣ፡ ኣብ ለሰ ዘሬድ ሰፈሩ፡

Tools 13. ካብኡ ተጓዒዞም ድማ፡ ኣብ ማዕዶ እቲ ኣብ በረኻ ዘሎ ኻብ ዶብ ኣሞራውያን ዚወጽእ ኣርኖን ሰፈሩ። ኣርኖን ከኣ ኣብ መንጎ ሞኣብን ኣሞራውያንን ዘሎ ዶብ ሞኣብ እዩ።

Tools 14. ስለዚ ኣብ መጽሓፍ ውግእ እግዚኣብሄር ተባሂሉ እዩ፡ ዋሄብ ኣብ ሱፋ ለሴታት ኣርኖን ከኣ፡

Tools 15. ናብቲ ዓር እትነብረሉ ዜብል፡ ቊልቊለት ለሴታት ድማ፡ ናብ ዶብ ሞኣብውን ዚጽጋዕ።

Tools 16. ካብኡ ድማ ናብ ቤዔር ተጓዕዙ፡ እቲ እግዚኣብሄር ብዛዕባኡ ንሙሴ፡ ነቲ ህዝቢ ኣክቦ ኣነውን ማይ ክህቦም እየ፡ ዝበሎ ዔላ ንሱ እዩ።

Tools 17. ሽዑ እስራኤል እዚ መዝሙር እዚ ዘመረ፡ ኣታ ዔላ፡ ፈልፍል፡ ንእኡ ዘምሩሉ፡

Tools 18. እቲ ሹማምቲ ዝዀዐትዎ፡ ኣውራታት ህዝቢ፡ ብዘንጊ መንግስቲ፡ በባትሮም ዘጐድጐድዎ ዔላ። ካብ በረኻ ድማ ናብ ማታና፡

Tools 19. ካብ ማታና ኸኣ ናብ ናሓሊኤል፡ ካብ ናሓሊኤል ድማ ናብ ባሞት፡

Tools 20. ካብ ባሞት ከኣ ናብቲ ኣብ መሮር ሞኣብ ዘሎ ለሰ፡ ናብቲ ናብ በረኻ ዚርኢ ርእሲ ጲስጋ ተጓዕዙ።

Tools 21-22. እስራኤል ድማ ናብ ሲሆን ንጉስ ኣሞራውያን፡ ብምድርኻ ኣሕልፈኒ፡ ናብ ግርሁን ናብ ወይንን ኣይነግልስን፡ ማይ ዔላውን ኣይንሰትን፡ ዶብካ ኽሳዕ እንሐልፍ ብጐደና ንጉስ ንኸይድ፡ ኢሉ ልኡኻት ሰደደ።

Tools 23. ሲሆን ከኣ እስራኤል ብዶቡ ኺሐልፍ ኣይፈቐደን እሞ ሲሆን ኲሉ ህዝቡ ኣኪቡ ንእስራኤል ኪቃባበሎም ናብ በረኻ ወጸ፡ ናብ ያሃጽ መጺኡ ኸኣ ምስ እስራኤል ተዋግኤ።

Tools 24. እስራኤል ግና ብስሕለት ሴፍ ወቕዖ፡ ምድሩ ኸኣ ካብ ኣርኖን ክሳዕ ያቦቅ፡ ክሳዕ ደቂ ኣሞን ወረሰ። ዶብ ደቂ ኣሞን ግና ጽኑዕ ነበረ።

Tools 25. እስራኤል ድማ ንዅለን እተን ከተማታት እቲኤን ሐዘን፡ እስራኤል ከኣ ኣብ ኲለን ከተማታት ኣሞራውያን፡ ኣብ ሔስቦንን ኲለን ዓድታታን ተቐመጠ።

Tools 26. ሔስቦን ከተማ ሲሆን ንጉስ ኣሞራውያን ነበረት እሞ፡ ንሱ ምስቲ ቕድም ዝነበረ ንጉስ ሞኣብ ተዋጊኡ፡ ንብዘላ ምድሩ ኽሳዕ ኣርኖን ካብ ኢዱ ወሲድዋ ነበረ።

Tools 27. ስለዚ እቶም መሰልቲ ይብሉ፡ ናብ ሔስቦን ንዑ። ከተማ ሲሆን ትነደቕን ትተዐረድን።

Tools 28. ካብ ሔስቦን ሓዊ ወጺኡ እዩ እሞ፡ ካብ ከተማ ሲሆን ድማ ሃልሃልታ፡ ንሱ ንዓር ናይ ሞኣብን ነቶም ጐይተት በረኽቲ ኣርኖንን በልዔ።

Tools 29. ሞኣብ ወይለኻ። ኣታ ህዝቢ ከሞሽ ጠፋእካ። ኣወዳቱ ንምህዳም፡ ኣዋልዱ ኸኣ ንምርኮ፡ ንሲሆን ንጉስ ኣሞራውያን ሀቦ።

Tools 30. ንሕና ወርወርናሎም፡ ሔስቦን ክሳዕ ዲቦን ጠፍኤት። ክሳዕ ኖፋሕ፡ ክሳዕ ሜድባ ዚበጽሕ ኣዐኖና።

Tools 31. በዚ ኸምዚ እስራኤል ኣብ ምድሪ ኣሞራውያን ተቐመጠ።

Tools 32. ሙሴ ድማ ናብ ያዕዘር ዚስልዩ ሰደደ፡ ዓድታታውን ሐዙ። ኣብኡ ንዝነበሩ ኣሞራውያን ከኣ ኣውጽእዎም።

Tools 33. ተመሊሶም ድማ ብመገዲ ባሳን ደየቡ። ኦግ ንጉስ ባሳን ከኣ፡ ንሱን ኲሉ ህዝቡን ናብ ኤድረይ ኪዋጋእን ኪቃባበሎምን ወጸ።

Tools 34. እግዚኣብሄር ድማ ንሙሴ፡ ንእኡን ንዅሉ ህዝቡን ምድሩን ኣብ ኢድካ ሂበካ እየ እሞ፡ ኣይትፍርሃዮ። ከምቲ ነቲ ኣብ ሔስቦን ዝነበረ ሲሆን ንጉስ ኣሞራውያን ዝገበርካዮ፡ ከምኡ ኽትገብሮ ኢኻ፡ በሎ።

Tools 35. ንሳቶም ድማ ንእኡን ንደቁን ንዅሉ ህዝቡን፡ ሓደ እኳ ኽሳዕ ዘይተርፎ፡ ወቕዕዎ። ምድሩ ድማ ወረሱ።